ग्लोबल टीचर पुरस्कार स्पर्धा नेमकी काय असते

डिसले यांना ग्लोबल टीचर पुरस्कार मिळणं अभिमानाची बाब असली तरी ही स्पर्धा नेमकी काय असते, यातले जज कोण असतात आणि या स्पर्धेतून विजेता कसा निवडला जातो हे आपण जाणून घेऊया.

ही स्पर्धा नेमकी काय असते

ग्लोबल टीचर पुरस्काराची सुरुवात 2013 पासून झाली, वार्की फाउंडेशन ही संस्था यासाठी काम करते. शिक्षण क्षेत्रात ग्रास रुट आणि जागतिक लेव्हलला बदल घडवून आणण्यासाठी हा पुरस्कार दिला जातो. याआधी वार्की फाउंडेशनतर्फे 21 देशात एक सव्हे केला होता. त्यात शिक्षक पेशाला म्हणावा तितका प्रतिसाद मिळत नाही, तसेच त्यांना मिळणारे पगारही कमी आहेत आणि याचा परिणाम शिक्षणाच्य़ा गुणवत्तेवर होतो असे निष्कर्ष हाती आले. ही परिस्थिती सुधारण्यासाठी 2014 पासून पुरस्कार देण्यास सुरुवात झाली. या पुरस्कारासाठी 2020 मध्ये 140 देशांमधून 12000 शिक्षकांची नामांकने आली होती.