Pune Crime : शिवसेना उपनेते डॉ. रघुनाथ कुचिक यांच्याविरुद्ध बलात्काराचा गुन्हा दाखल
पुण्यातील शिवसेना उपनेते डॉ. रघुनाथ कुचिक यांच्याविरुद्ध शिवाजीनगर पोलीस ठाण्यात बलात्काराचा गुन्हा दाखल करण्यात आला आहे. कुचिक यांनी आपल्याशी लग्न करण्याचं वचन देऊन शारिरिक संबंध ठेवण्यास भाग पाडलं, परंतू यानंतर कुचिक यांनी लग्नास नकार दिल्यामुळे पीडित तरुणीने ही तक्रार दाखल केल्याचं कळतंय. तक्रारदार तरुणी ही पुण्याच्या दौंड परिसरात राहणारी आहे. पोलिसांनी दिलेल्या माहितीनुसार, आरोपी डॉ. […]
ADVERTISEMENT
पुण्यातील शिवसेना उपनेते डॉ. रघुनाथ कुचिक यांच्याविरुद्ध शिवाजीनगर पोलीस ठाण्यात बलात्काराचा गुन्हा दाखल करण्यात आला आहे. कुचिक यांनी आपल्याशी लग्न करण्याचं वचन देऊन शारिरिक संबंध ठेवण्यास भाग पाडलं, परंतू यानंतर कुचिक यांनी लग्नास नकार दिल्यामुळे पीडित तरुणीने ही तक्रार दाखल केल्याचं कळतंय. तक्रारदार तरुणी ही पुण्याच्या दौंड परिसरात राहणारी आहे.
पोलिसांनी दिलेल्या माहितीनुसार, आरोपी डॉ. रघुनाथ कुचिक आणि पीडित तरुणीची ६ नोव्हेंबर २०२० मध्ये फेसबूकवर ओळख झाली. १० फेब्रुवारी २०२२ पर्यंत दोघेही एकमेकांशी बोलत होते. या ओळखीचं रुपांत प्रेमात झालं. यानंतर डॉ. कुचिक यांनी तरुणीला लग्नाचं आमिष दाखवून शिवाजीनगर आणि अन्य ठिकाणी नेऊन शारिरिक संबंध ठेवले. तरुणी गरोदर राहिल्यानंतर कुचिक यांनी पीडित तरुणीला गर्भपात करायला भाग पाडून याबद्दल कुठेही बोलल्यास तुला मारुन टाकेन अशी धमकी दिली.
अल्पवयीन मुलीचा विनयभंग; ३२०० बाईक्स तपासत डोंबिवली पोलिसांनी विकृत नराधमाला केली अटक
पीडित तरुणीने या घटनेविरुद्ध शिवाजी नगर पोलिसांत तक्रार दाखल केल्यानंतर पोलिसांनी डॉ. कुचिक यांच्याविरुद्ध IPC 376 अंतर्गत गुन्हा दाखल केला आहे. दोन्ही बाजू ऐकल्यानंतर पोलीस या प्रकरणात योग्य ती कारवाई करतील अशी माहिती शिवाजीनगर पोलीस ठाण्याच्या निरीक्षक अनिता पाटील यांनी दिली. डॉ. रघुनाथ कुचिक हे शिवसेनेचे उप-नेते असून ते कामगार युनियनचे अध्यक्षही आहेत.
हे वाचलं का?
