होमवर्क केलं नाही म्हणून विद्यार्थ्याला लाथाबुक्क्यांचा मार; जागेवरच सोडला प्राण

राजस्थानातील चुरू जिल्ह्यातील कोलासर गावात ही धक्कादायक घटना घडली आहे. एका खासगी शाळेत शिक्षण घेणाऱ्या विद्यार्थ्याला शिक्षकाने लाथा बुक्क्यांनी इतकं मारलं की त्याचा उपचारादरम्यानच मृत्यू झाला.

सालासर पोलीस ठाण्याचे प्रमुख संदीप बिश्नोई यांनी दिलेल्या माहितीप्रमाणे कोलासर येथील ओमप्रकाश यांनी याप्रकरणी तक्रार दाखल केली आहे. त्यांचा मुलगा गणेश कोलासर येथील मॉर्डन पब्लिक स्कूल या खासगी शाळेत शिक्षण घेत होता. मागील दोन-तीन महिन्यांपासून तो शाळेत जात होता.

गणेशने मागील १५ दिवसांत वडिलांकडे शिक्षकांबद्दल तक्रार केली होती. मनोज नावाचे शिक्षक आपल्याला विनाकारण मारत असतात, असं गणेशने वडिलांना सांगितलं होतं. दरम्यान, बुधवारी गणेश शाळेत गेलेला होता.