मोठी बातमी! लसीकरण पूर्ण होऊन 15 दिवस झालेल्यांना मिळणार लोकलचं तिकिट

कोरोना काळात लोकल ट्रेन सेवा बंद होती. निर्बंध उठवत हळूहळू जसे नियम शिथील झाले तशा प्रमाणात लोकलही सुरू झाली. लसीचे दोन डोस घेऊन पंधरा दिवस झालेल्यांना पासही सुरू करण्यात आला. आता मुंबईकरांसाठी आणखी एक महत्त्वाची बातमी समोर आली आहे. ती म्हणजे लसीकरण पूर्ण होऊन पंधरा दिवस झालेल्या लोकांना लोकल तिकिटही मिळू शकणार आहे. राज्य सरकारने आधी लोकलचं तिकिट बंद केलं होतं. तसे आदेश मध्य आणि पश्चिम रेल्वेला दिले होते. त्यामुळे गेल्या काही दिवसांपासून तिकिट खिडकीवर वाद, गोंधळ आणि संताप पाहण्यास मिळाला होता. अशात आता लसीचे दोन डोस घेतलेल्यांना लोकल ट्रेन प्रवासासाठीचं तिकिट मिळू शकणार आहे.