Narayan Rane : “…तर उद्या उद्धव ठाकरे संजय राऊतांचे सोबती म्हणून आत जातील”

काय म्हटलं आहे नारायण राणेंनी?

”छत्रपती शिवाजी महाराजांच्या नावावर शिवसेना चालवली. छत्रपती शिवाजी महाराजांची बदनामीच उद्धव ठाकरेंनी केली. उद्धव ठाकरे म्हणजे लबाड लांडगा आहे, खोटं बोलतो. अडीच वर्षे मुख्यमंत्री राहिला हा काळीमा आहे महाराष्ट्रासाठी. मराठी माणूस हद्दपार झाला, उद्धव ठाकरेंचे एक बंगल्याचे दोन बंगले झाले मुंबईत.

आदिलशाह, अफझलखान आणि हे शाह.. असं बोलणं शोभतं का? हे सगळं बोलणं गुन्हा आहे. उद्या आतमध्ये जाल संजय राऊतचे सोबती म्हणून. जे काही बोललेत ना गिधाडं, अमुक तमुक ते कुणाला उद्देशून आहे माहित आहे. त्यामुळे आत जाशील. सुशांत प्रकरणातून तुझा मुलगा सुटलेला नाही. खोक्यांचा विषय तुझा आहे. ”

आदिलशाह आणि अमित शाह यांची तुलना करता? हिंदू मुस्लिम फरक कळत नाही एवढी भ्रष्ट बुद्धी उद्धव ठाकरेंची झाली आहे का? देशाचे गृहमंत्र्यांना असं बोलताना लाज शरम वाटली नाही. त्यामुळेच उद्धव ठाकरेंचा उल्लेख मी लांडगा म्हणून करतो. लांडगा लबाड असतो, खोटारडा असतो आणि केलेल्या उपकाराची जाणीव त्याला नसते. त्यामुळेच मी उद्धव ठाकरेंचा उल्लेख लांडगा असा केला. उद्धव ठाकरेंची पाच खासदार आणि दहा आमदार निवडून आणण्याची ताकद नाही. त्यांनी ही भाषा वापरावी? हे शोभतं आहे का? असंही नारायण राणे यांनी म्हटलं आहे.