महाराष्ट्रातील वाहनांना गुजरातमध्ये ‘नो एंट्री’, कोरोना निगेटीव्ह रिपोर्ट बंधनकारक

उच्छल पोलिसांनी महाराष्ट्र-गुजरात सीमावर्ती भागातील तपासणी नाक्यावर आरोग्य विभाग व पोलीस दलाचे पथक तैनात केले आहेत. महाराष्ट्रातून गुजरात राज्यात येणाऱ्या प्रत्येक वाहन चालकांची तपासणी सुरू करण्याचे आदेश आरोग्य विभाग व पोलीस दलाला देण्यात आले आहे.

कोरोना रिपोर्ट निगेटिव्ह असला तरच गुजरातमध्ये वाहनांना प्रवेश दिला जात आहे. अन्यथा महाराष्ट्र गुजरात सीमावर्ती भागातून त्यांना महाराष्ट्रात परत पाठविण्यात येत आहे. यासाठी गुजरात राज्यातील आरोग्य पथक हे 24 तास सीमावर्ती भागात वाहन चालकाची थर्मल स्कॅनिंग, कोरोना रिपोर्ट पॉझिटिव्ह आहे की निगेटिव्ह याची तपासणी करीत आहे.

Sachin Tendulkar: सचिन तेंडुलकरही कोरोनाच्या विळख्यात, Twitter वरुन दिली माहिती

कोव्हिड निगेटीव्ह रिपोर्ट बाळगणे बंधनकारक

तोंडाला मास्क नसल्यास गुजरात पोलीस एक हजार रूपयांचा दंड महामार्गावर वसूल करीत आहे. तसेच महाराष्ट्र पासिंग फोर व्हीलर वाहनांची कसून तपासणी केली जात आहे. कोरोना रिपोर्ट निगेटिव्ह असल्यास गुजरात राज्यात प्रवेश दिला जात आहे. दरम्यान, कोरोना निगेटिव्ह रिपोर्ट नसल्याने जळगाव व धुळे जिल्ह्यातील अनेक वाहनचालकांचे कुठलेही कारण ऐकून न घेता त्यांना परतीचा प्रवास करावा लागला आहे.

महाराष्ट्रात पुन्हा लॉकडाऊन लागण्याची चिन्हं आहेत का?

गुजरातमध्ये जाण्यासाठी कोरोना रॅपिड किंवा आरटीपीसीआर तपासणी रिपोर्ट असणे गरजेचे आहे. नवापूर सीमा तपासणी नाक्यावर रॅपिड टेस्टिंगचे कॅम्प देखील लावण्यात यावे जेणेकरुन गुजरातमध्ये जाणाऱ्यांची सोय होईल. अशी मागणी नागरिकांकडून केली जात आहे.

Ajit Pawar : पुण्यातली परिस्थिती गंभीर, आता आमचं एकमत झालंय, 2 एप्रिलला निर्णय घेणार

चालकांनी काढली पळवाट

गुजरातमध्ये महामार्गावरुन थेट जाण्यास परवानगी नसल्याने धुळे, जळगाव, नंदुरबार जिल्ह्यातील वाहनचालकांनी यावर वेगळीच शक्कल लढवली आहे. नवापुरात महाराष्ट्र पासिंग MH 39 नंदुरबार, MH18 धुळे, MH19 जळगाव अन्य जिल्ह्यातील गाड्या बदलून ते आता गुजरात पासिंगच्या गाड्या भाड्याने घेत आहेत. याच गाड्यांचा गुजरातमध्ये प्रवेश करण्यासाठी वापर केला जात आहे.

महाराष्ट्रात मागील २४ तासात ३६ हजार ९०२ नवीन कोरोना रुग्ण

दरम्यान, गेल्या २४ तासात राज्यात ३६ हजार ९०२ नवीन कोरोनाग्रस्त रुग्ण सापडले आहेत. आज राज्यात ११२ जणांनी कोरोनाशी लढताना आपले प्राण गमावले आहेत. सध्याच्या घडीला महाराष्ट्रात २ लाख ८२ हजार ४५१ सक्रीय रुग्ण असल्यामुळे राज्य सरकारसमोरील चिंतेत भर पडली आहे. जनतेने कोरोना प्रतिबंधाचे नियम पाळले नाहीत तर नाईलाजाने येत्या काही दिवसांमध्ये अधिक कठोर निर्बंध लावावे लागतील असंही मुख्यमंत्री उद्धव ठाकरे यांनी म्हटलं आहे. आपण बेड्स, आरोग्य सुविधा वाढवू मात्र डॉक्टर्स, नर्सेस आणि आरोग्य कर्मचारी कसे वाढवणार? हे लक्षात घेतले पाहिजे.