रियाज काझींकडून अँटिलीया प्रकरणातले काही पुरावे नष्ट करण्याचा प्रयत्न – NIA ला संशय

विक्रोळीच्या कन्नमवार नगर परिसरातील एका दुकानात रियाज काझी आत जात असताना सीसीटीव्ही फुटेजमध्ये कैद झाले आहेत. सीसीटीव्हीत दिसत असल्याप्रमाणे रियाज काझी या दुकानात गेल्यानंतर लगेच बाहेर पडत आहेत. विक्रोळीमधलं हे दुकान तुषार कदम नावाचा माणूस चालवतो, सध्या तुषार कदम मुंबईबाहेर असल्याचं कळतंय. कदम यांना ‘मुंबई तक’ ने रियाज काझी यांच्याविषयी विचारलं असता ते माझ्या दुकानात फक्त चौकशीसाठी आले होते, याव्यतिरीक्त मला याविषयी काहीही माहित नसल्याचं सांगितलं. NIA च्या सुत्रांनी दिलेल्या माहितीनुसार बंटी रेडीयम शॉपमधल्या सीसीटीव्हीचं DVR आणि रजिस्टर CIU च्या पथकाने पुरावे नष्ट करण्यासाठी ताब्यात घेतलं होतं.

NIA चं सर्च ऑपरेशन, मिठी नदीत सापडला हरवलेला DVR