IND vs PAK सामन्याआधी बरं झालं ट्विन टॉवर पाडला नाहीतर…, कलेक्टरनं असं ट्विट का केलं?

जिल्हाधिकाऱ्यांचे ट्विट चर्चेत

IAS सोमेश उपाध्याय यांनी ट्विन टॉवर्स पाडल्याबद्दल एक ट्विट केले आहे. या ट्विटमध्ये त्यांनी लिहिले- ‘पहिल्यांदा जेसीबीच्या उत्खननापेक्षा जास्त या कार्यक्रमात लोकांनी उत्साह दाखवला.’ त्यांच्या ट्विटला उत्तर देताना IAS अवनीश शरण म्हणाले- ‘भारत-पाकिस्तान सामन्यापूर्वी हे घडत आहे हे चांगले आहे, अन्यथा प्रत्येकाने सामन्याऐवजी नोएडाचे ट्विन टॉवर पाहिले असते.’

आयएएस सोमेश यांच्या ट्विटवर अनेक यूजर्सनी प्रतिक्रिया दिल्या आहेत. विनीत नावाच्या युजरने लिहिले ”काहीही झाले तरी जेसीबी म्हणजे जेसीबी”. त्याचवेळी राहुल लिहितात जेसीबीने उत्खनन पाहणाऱ्यांसाठी ट्विन टॉवरचा पाडाव हा हॉलीवूडपटापेक्षा कमी नाही”. दुसरीकडे, ऋषभ नावाचा वापरकर्ता म्हणाला ”…तरीही मी स्वत:ला जेसीबीचे उत्खनन पाहण्यापासून रोखू शकत नाही.”

Pehli bar 'JCB ki khudayi' se bhi zyada kisi aur karyakram me logon me itna utsah dikh raha hai. #TwinTowerDemolition

— Somesh Upadhyay, IAS (@Somesh_IAS) August 28, 2022

अच्छा है जो #INDvPAK मैच से पहले हो रहा, नहीं तो सभी मैच की जगह #NoidaTowerDemolition देखते.

— Awanish Sharan (@AwanishSharan) August 28, 2022

ट्विन टॉवर पाडण्यासाठी 3700 किलो स्फोटकांचा वापर

यासंबंधीचे सर्व व्हिडिओ सोशल मीडियावर व्हायरल होत आहेत. ज्यामध्ये ही गगनचुंबी इमारत कोसळली तेव्हा तेथे ढिगाऱ्यांचा ढीग होता. धुराचे प्रचंड लोट उठले. संपूर्ण दृश्य हृदय पिळवटून टाकणारे होते. ट्विन टॉवर पाडण्यासाठी 3700 किलो स्फोटकांचा वापर करण्यात आला होता. जवळपासचे रहिवासी भाग रिकामे करण्यात आले होते. घटनास्थळी मोठा पोलीस बंदोबस्तही तैनात करण्यात आला होता.

JCB की खुदाई देखने वालों के लिए #TwinTowerDemolition किसी Hollywood की फ़िल्म से कम नहीं लग रहा !

— Rahul Shukla (@thenameis_Rahul) August 28, 2022

टॉवर बांधण्यासाठी 300 कोटी खर्च तर पाडण्यासाठी 17 कोटी

भारतीय मायनिंग ब्लास्टर चेतन दत्ता यांनी त्याच्या सहकाऱ्यांसह अडीच वाजता स्फोटाचे बटण दाबले. त्याचवेळी मोठा आवाज झाला आणि इमारत कोसळली. धुराचे लोट वेगाने दूरवर पसरले. या तोडफोडीदरम्यान पोलिसांपासून एनडीआरएफ आणि अग्निशमन दलाचे पथक घटनास्थळी उपस्थित होते. त्याचबरोबर वायूप्रदूषण रोखण्यासाठी पाण्याच्या टँकरचीही व्यवस्था करण्यात आली होती तसेच अँटी स्मॉग गनही लावण्यात आल्या होत्या. हे दोन टॉवर बांधण्यासाठी सुमारे 300 कोटी रुपये खर्च झाले होते, तर ते पाडण्यासाठी सुमारे 17 कोटी रुपये खर्च अपेक्षित आहे.