मोफत लस घेतलीत ना, त्याचा पैसा कुठून येतो?’; पेट्रोल-डिझेल दरवाढीवर केंद्रीय मंत्र्याचं अजब विधान

काय म्हणाले आहेत रामेश्वर तेली?

‘पेट्रोल आणि डिझेलच्या किंमती जास्त नाहीत, मात्र त्यावर लागणारा टॅक्स आहेच ना. तुम्ही फ्री व्हॅक्सिन घेतलं असेलच. त्यासाठी पैसे कुठून येणार? ज्यांनी फुकट कोरोना प्रतिबंधक लस घेतली त्यांचे पैसे असे इंधनावरच्या करातून वळते करण्यात आले.’

Fuel prices aren't high but include the tax levied. You must've taken a free vaccine, where will the money come from? You haven't paid the money, this is how it was collected: Union MoS (Petroleum & Natural Gas) Rameswar Teli in Assam on Oct 9 pic.twitter.com/uZZCpXdUCj

— ANI (@ANI) October 11, 2021

सोमवारी पेट्रोल 30 पैसे तर डिझेल 35 पैसे प्रति लिटर महाग झालं. दिल्लीत एक लिटर पेट्रोल आता 104 रूपये 44 पैसे इतकं झालं आहे तर डिझेल 93.17 पैसे प्रति लिटर झालं आहे. कोलकातामध्ये पेट्रोलचे दर प्रति लिटर 105 रूपये 9 पैसे झाले आहेत. तर डिझेल 96 रूपये 28 पैसे प्रति लिटर झालं आहे. मुंबईत एक लिटर पेट्रोलसाठी 110.41 रूपये मोजावे लागत आहेत. तर डिझेल 101 रूपये 3 पैसे प्रति लिटर झालं आहे. चेन्नईत पेट्रोल प्रति लिटर 101 रूपये 89 पैसे असं मिळतं आहे तर डिझेल 97 रूपये 69 पैसे प्रति लिटर मिळतं आहे.

परदेशी विनिमय दरासह आंतरराष्ट्रीय बाजारात क्रूडचे दर काय आहेत यावर आधारित पेट्रोल आणि डिझेलचे दर दररोज बदलत असतात. याच्या आधारे तेल कंपन्या दररोज पेट्रोल दर आणि डिझेल दर निश्चित करण्याचे काम करतात. आपण पेट्रोल आणि डिझेलसाठी जी किंमत मोजतो त्यापैकी पेट्रोलच्या किंमतीवर 55.5 टक्के आणि डिझेलच्या दरांवर 47.3 टक्के टॅक्स आहे. आता हा इतक्या मोठ्या प्रमाणावर लागणारा टॅक्स म्हणजेच मोफत कोरोना प्रतिबंधक लसींचे वळते केलेले पैसे आहेत असं वक्तव्य रामेश्वर तेली यांनी केलं आहे. याबाबत आता विरोधक काय भूमिका घेणार? यावरून रणकंदन माजणार का? हे सगळं पाहणं महत्त्वाचं ठरणार आहे.