महापालिका निवडणुकांमध्ये काँग्रेसचा धमाका, कोल्हापूरनंतर सोलापुरातील उमेदवारांची यादी जाहीर
Congress candidates list for Solapur Mahanagar palika election : या पहिल्या यादीत शहराध्यक्ष चेतन नरोटे यांच्यासह अनुभवी आणि नव्या चेहऱ्यांना संधी देण्यात आली आहे. काँग्रेसने सामाजिक समतोल साधत विविध प्रभागांतून प्रभावी उमेदवार मैदानात उतरवले असून, यामध्ये माजी आमदार, माजी महापौर आणि ओळखीच्या राजकीय कुटुंबांतील नावांचा समावेश आहे.
ADVERTISEMENT
बातम्या हायलाइट
महापालिका निवडणुकांमध्ये काँग्रेसचा धमाका
कोल्हापूरनंतर सोलापुरातील उमेदवारांची यादी जाहीर
Congress candidates list for Solapur Mahanagar palika election : महाराष्ट्रातील महापालिका निवडणुकांच्या पार्श्वभूमीवर काँग्रेस पक्षाने आक्रमक पवित्रा घेतला असून, कोल्हापूरनंतर आता सोलापूर महानगरपालिकेसाठी उमेदवारांची पहिली यादी जाहीर करण्यात आली आहे. सोलापूर महापालिका निवडणूक 2026 साठी काँग्रेसने 10 प्रभागांमधील 20 अधिकृत उमेदवारांची घोषणा करत राजकीय वातावरण तापवले आहे.
या पहिल्या यादीत शहराध्यक्ष चेतन नरोटे यांच्यासह अनुभवी आणि नव्या चेहऱ्यांना संधी देण्यात आली आहे. काँग्रेसने सामाजिक समतोल साधत विविध प्रभागांतून प्रभावी उमेदवार मैदानात उतरवले असून, यामध्ये माजी आमदार, माजी महापौर आणि ओळखीच्या राजकीय कुटुंबांतील नावांचा समावेश आहे.
जाहीर झालेल्या यादीत माजी आमदार प्रकाश यलगुलवार यांच्या सून सीमा मनोज यलगुलवार, माजी महापौर आरिफ शेख यांच्या कन्या सबा परवीन आरिफ शेख, तसेच माजी महापौर संजय हेमगड्डी यांचा समावेश आहे. याशिवाय प्रभागनिहाय विविध समाजघटकांचे प्रतिनिधित्व करणाऱ्या उमेदवारांना उमेदवारी देण्यात आली आहे.
सोलापूरसाठी जाहीर झालेल्या या पहिल्या यादीमुळे काँग्रेसने शहरातील निवडणुकीची तयारी जोरात सुरू केल्याचे स्पष्ट झाले आहे. उर्वरित प्रभागांसाठीची दुसरी यादी लवकरच जाहीर होण्याची शक्यता पक्षाच्या सूत्रांकडून व्यक्त केली जात आहे.
हे वाचलं का?
