एकनाथ खडसे यांना ED ने चौकशीसाठी का बोलावलं? काय आहे कारण?
महाराष्ट्राचे माजी महसूल मंत्री पूर्वाश्रमीचे भाजपचे नेते आणि आत्ता राष्ट्रवादी काँग्रेसचे नेते एकनाथ खडसे यांना ईडीने चौकशीसाठी बोलावलं आहे. ही चौकशी राजकीय हेतूने केली जाते आहे. मी भाजप सोडून राष्ट्रवादीत आलो त्यामुळे माझ्याविरोधात कारवाया सुरू झाल्या. मात्र चौकशीला पूर्ण सहकार्य करणार आहे असं एकनाथ खडसे यांनी म्हटलं आहे. मात्र ईडी एकनाथ खडसे यांना का बोलावतं […]
ADVERTISEMENT
महाराष्ट्राचे माजी महसूल मंत्री पूर्वाश्रमीचे भाजपचे नेते आणि आत्ता राष्ट्रवादी काँग्रेसचे नेते एकनाथ खडसे यांना ईडीने चौकशीसाठी बोलावलं आहे. ही चौकशी राजकीय हेतूने केली जाते आहे. मी भाजप सोडून राष्ट्रवादीत आलो त्यामुळे माझ्याविरोधात कारवाया सुरू झाल्या. मात्र चौकशीला पूर्ण सहकार्य करणार आहे असं एकनाथ खडसे यांनी म्हटलं आहे. मात्र ईडी एकनाथ खडसे यांना का बोलावतं आहे हे पाहणं महत्त्वाचं आहे. भोसरी भूखंड घोटाळ्या प्रकरणी बुधवारी 7 जुलै एकनाथ खडसे यांना ईडीकडून हे समन्स बजावण्यात आलं आहे. त्यानंतर एकनाथ खडसे हे पत्रकार परिषद घेणार होते. मात्र रात्री उशिरा खडसे यांनी तब्बेत बिघडल्यामुळे पत्रकार परिषद रद्द घेणं रद्द केलं.
काय आहे भोसरीचं भूखंड प्रकरण?
2016 मध्ये एकनाथ खडसे हे राज्याचे महसूल मंत्री होते. त्यावेळी त्यांच्यावर पुण्यातील भोसरी येथे भूखंड खरेदीत गैरव्यवहार केल्याचा आरोप केला गेला. एकनाथ खडसे यांनी भोसरी येथील सर्व्हे क्रमांक 52/2 अ/ 2 मधील तीन एकरचा भूखंड त्यांची पत्नी मंदाकिनी खडसे आणि जावई गिरीश चौधरी यांच्या नावे हा खरेदी केला.
या भूखंडाचा व्यवहार 3 कोटी 75 लाख रूपयांना अकानी नावाच्या व्यक्तीकडून खरेदी केला. पण या भूखंडाचा सातबारा MIDC च्या नावावर होता. त्यामुळे खडसे यांनी पदाचा गैरवापर करून भूखंड खरेदी केल्याचा आरोप झाला. पुण्यातील बांधकाम व्यावसायिक हेमंत गावडे यांनी यासंदर्भात तक्रार केली होती. एप्रिल 2017 मध्ये ACB ने म्हणजेच लाचलुचपत प्रतिबंधक विभागाने एकनाथ खडसे, मंदाकिनी खडसे, गिरीश चौधरी आणि अकानी यांच्या विरोधात गुन्हा दाखल केला. चौकशीही सुरू केली. मात्र 2018 मध्ये त्यांना क्लिन चिट देण्यात आली. दरम्यान निवृत्त न्यायाधीशांमार्फत चौकशी करण्यासाठी झोटिंग समितीही नेमण्यात आली. या समितीमार्फत प्रकरणाची चौकशी झाली. त्यानंतर आता ईडीकडून चौकशी सुरू आहे. याआधीही एकनाथ खडसे यांची ईडीकडून चौकशी करण्यात आली आहे.
हे वाचलं का?
