मलिक म्हणाले, 'मी रात्रीचे उद्योग करत नाही...', तुम्ही अजितदादांचे विरोधक आहात का?; मुनगंटीवारांचा टोमणा!

Sudhir Mungantiwar vs Nawab Malik: विधानसभेत सुधीर मुनगंटीवार आणि नवाब मलिक यांच्यात चांगलीच जुंपल्याचं पाहायला मिळालं. यावेळी मुनगंटीवारांनी बरीच टोलेबाजीही केली.
मलिक म्हणाले, 'मी रात्रीचे उद्योग करत नाही...', तुम्ही अजितदादांचे विरोधक आहात का?; मुनगंटीवारांचा टोमणा!
sudhir mungantiwar attack on ncp nawab malik ajit pawar bjp muslim reservation maharashtra legislature winter session

मुंबई: विधानसभा 2019 निवडणुकीनंतर पहाटे झालेल्या शपथविधीमुळे आजही भाजप नेते देवेंद्र फडणवीस आणि राष्ट्रवादी काँग्रेसचे नेते आणि उपमुख्यमंत्री अजित पवार यांना अनेकदा टार्गेट केलं जातं. राजकीय सभांमधील भाषणात यावरुन बरीच टीकाही केली जाते. मात्र, आता थेट सभागृहात याच गोष्टीवरुन भाजप नेते सुधीर मुनगंटीवार यांनी चिमटे काढले आहेत.

नेमकं काय झालं सभागृहात?

'मुस्लिम आरक्षण देण्यासंदर्भात शासन विचाराधीन आहे.' असं अल्पसंख्यांक मंत्री नवाब मलिक यांनी सभागृहात म्हटलं होतं. यावेळी नोकरी, शैक्षणिक संस्था यामध्ये मुस्लिमांना पाच टक्के आरक्षण देण्याचा सरकारचा विचार आहे. मात्र, जोवर 50 टक्क्यांची अट शिथिल होत नाही तोपर्यंत प्रश्न सुटणार नाही आणि मुस्लिम आरक्षण देता येत नाही हे मलिकांनी स्पष्ट केलं.

नवाब मलिक यांनी हे विधान केल्यानतंर सुधीर मुनगंटीवार यांनी तात्काळ याबाबत भाष्य करताना चिमटेही काढले आहेत. अजित पवारांच्या शपथविधीवरुन हे चिमटे त्यांनी काढले आहेत. 'मी रात्रीचे उद्योग करत नाही.' असं मलिकांनी म्हटलं होतं. यावर चिमटा काढताना मुनगंटीवार म्हणाले की, 'तुम्ही अजित पवारांबाबत बोलताय का?' असा सवाल विचारत मुनगंटीवारांनी अप्रत्यक्षपणे अजित पवारांवरच निशाणा साधला.

अजित पवारांवरुन मुनगंटीवारांनी का मारला टोमणा?

नवाब मलिक - 'केंद्रात भाजपचं सरकार आहे. तुम्ही आरक्षणाची 50 टक्क्यांची मर्यादा शिथिल करा. मराठा समाजाच्या आरक्षणाचा मार्ग मोकळा होईल. तो मार्ग मोकळा झाला तर मुस्लिम समाजाला देखील आरक्षण देण्याचा आमचा मानस आहे तो पण निर्णय आम्ही घेऊ.'

मुनगंटीवार- 'अल्पसंख्यांक मंत्री आरक्षण देत नाही. ते देता आलं असतं ना तर यांनी कधीच रात्रीच्या रात्री फाइल काढली असती. ते यांनी द्यायची आवश्यकता नाहीए. रात्रीचं काय म्हणालात... नाही नाही सांगा...'

मलिक - 'मी रात्रीचे उद्योग करत नाही..'

मुनगंटीवार - 'नाही.. ते म्हणजे तुम्ही अजितदादांचे विरोधक आहात का? मग कशाला म्हणताय... रात्रीचे उद्योग तुम्ही करत नाही. तुम्ही रात्रीचे का अजितदादाचं.. अरे झाली असेल चूक दादाच्या हातून एकदा.. म्हणून तुम्ही वारंवार त्यांच्या संदर्भात असं बोलायचं का? हे बरोबर नाहीए. ते आमचे मित्र आहेत. जवळचे मित्र आहेत.'

sudhir mungantiwar attack on ncp nawab malik ajit pawar bjp muslim reservation maharashtra legislature winter session
अधिवेशनात आदित्य ठाकरेंची एंट्री, नितेश राणेंनी म्यॉव म्यॉव आवाज काढत डिवचलं

असं म्हणत सुधीर मुनगंटीवार यांनी भर सभागृहात एकाच दगडात अनेक पक्षी मारले. त्यामुळे आता याबाबत अजित पवार हे सुधीर मुनगंटीवारांना अधिवेशनाच्या इतर दिवसात काही उत्तर देणार का? हे पाहणं रंजक ठरणार आहे.

Related Stories

No stories found.
Mumbai Tak
www.mumbaitak.in