प्रकाशक सुनील मेहता यांचं निधन, आज पुण्यात अंत्यसंस्कार

Sunil Mehta Passed away: मेहता पब्लिशिंगचे संचालक सुनील मेहता यांचं अल्पशा आजाराने निधन झालं असून त्यांच्यावर गुरुवारी पुण्यात अंत्यसंस्कार करण्यात येणार आहेत.
प्रकाशक सुनील मेहता यांचं निधन, आज पुण्यात अंत्यसंस्कार
sunil mehta director of mehta publishing company passed away funeral will be held in pune today(फाइल फोटो)

पुणे: मेहता पब्लिशिंग कंपनीचे संचालक आणि मेहता पब्लिशिंग हाऊसचे माजी कार्यकारी सुनील मेहता ( Sunil Mehta, director of Mehta Publishing Company and former executive) यांचे बुधवारी दुपारी चार वाजता निधन झाले. निधनसमयी त्यांचे वय 56 वर्ष होते. गेल्या पंधरवड्यापासून त्यांच्यावर पुण्यातील पूना रुग्णालयात उपचार सुरू होते. किडनी स्टोनच्या उपचारासाठी त्यांना पूना रुग्णालयात दाखल करण्यात आले होते. पण उपचारादरम्यान त्यांचे अवयव निकामी होत गेले आणि त्यातच त्यांचा मृत्यू झाला.

त्यांचे पार्थिव गुरुवार (13 जानेवारी) रोजी मेहता पब्लिशिंग हाऊसमध्ये सकाळी 9.30 ते 10.30 या वेळेत ठेवण्यात येणार आहे. त्यानंतर त्यांच्या पार्थिवावर अंत्यसंस्कार करण्यात येतील. मेहता पब्लिशिंग हाऊसचे सीईओ आणि एमडी सुनील अनिल मेहता यांनी 1986 मध्ये वडील अनिल मेहता यांच्याकडून व्यवसायाची सूत्रे हाती घेतली होती.

मेहता पब्लिशिंग हाऊसची स्थापना आणि विकास त्यांनी लहानपणापासूनच पाहिला आणि वडिलांचा हा व्यवसाय अधिक वाढवला.

मराठीत अनुवादित परदेशी आणि प्रादेशिक पुस्तके त्यांनी प्रकाशित केली. याशिवाय त्यांनी ई-बुक सेवाही सुरू केली. भारतातूनच नव्हे तर जगभरातून मराठीत अनुवादित उत्तमोत्तम साहित्यकृती त्यांनी मिळवल्या आणि मराठी वाचकांसाठी अनुवादित पुस्तकांचे मोठे दालन तयार केले.

sunil mehta director of mehta publishing company passed away funeral will be held in pune today
मराठी सिने-मालिकांमधल्या लाडक्या आजी रेखा कामत यांचं निधन

नॉर्वेजियन साहित्याचा इतर देशांमध्ये प्रचार करण्याच्या प्राथमिक उद्देशाने सप्टेंबर 2012 मध्ये ऑस्लो (नॉर्वे) येथे झालेल्या नॉर्ला सिम्पोजियममध्ये मराठी प्रकाशनाच्या जगाचे प्रतिनिधित्व करण्यासाठी निवडले गेलेले ते एकमेव प्रकाशक होते.

सुनील मेहता यांनी 1986 साली मेहता पब्लिकेशन हाऊसची सूत्रं आपल्या हाती घेतल्या मेहता प्रकाशन संस्थेला एक नावलौकिक प्राप्त करुन दिला.

विविध भाषांमधील दर्जेदार साहित्य मराठी भाषेत यावं म्हणून त्यांनी अनुवादित साहित्याला बरंच प्राधान्य दिलं. आंतरराष्ट्रीय पातळीवरील नामांकित लेखक लिस्टर मॅक्लीन , डेबोरा एलिस, झुम्पा लाहिरी यांच्यासह अनेक दिग्गज साहित्यिकांचं लेखन मराठीत यावं यासाठी सुनील मेहता यांनी बरेच प्रयत्न केले. सुनील मेहता यांच्या निधनाने साहित्य विश्वात हळहळ व्यक्त करण्यात येत आहे.

Related Stories

No stories found.
Mumbai Tak
www.mumbaitak.in