यवतमाळच्या तीन शेतकऱ्यांना कायदेशीर लढ्यासाठी थेट स्वित्झर्लंड सरकारची मदत

याबाबत अधिक माहिती अशी की, विविध देशात विक्रीस बंदी असलेल्या कीटकनाशकांना भारतात परवानगी देण्यात आली होती. मात्र 2017 मध्ये किटकनाशकांचा शेतात वापर करीत असतांना 23 शेतकऱ्यांचा विषबाधेने मृत्यू झाला होता. याव्यतिरीक्त जवळपास 600 पेक्षा जास्त शेतकरी तसेच शेतमजुर सुध्दा गंभीर बाधीत झाले होते. यात घाटंजी तालुक्यातील बंडू सोनूले यांचाही समावेश होता. यासंदर्भात किटकनाशक बनविणाऱ्या विविध कंपन्यांविरुध्द कोणतीही ठोस कारवाई झाली नाही.

भ्रष्टाचाराचं स्मारक तोडण्यासाठी मुख्यमंत्र्यांनी हातात हातोडा दिला : किरीट सोमय्या

त्यामुळे पिडीत 2 शेतकऱ्यांच्या पत्नी आणि जखमी झालेल्या शेतकऱ्यांच्यावतीने संबंधित कीटकनाशक बनविणाऱ्या सिजेंटा या कंपनीविरुध्द महाराष्ट्र असोसिएशन ऑफ पेस्टिसाइड पॉइझन्ड पर्सन (एमएपीपीपी) चे देवानंद पवार तसेच पेस्टिसाइड अॅक्शन नेटवर्क इंडिया (पॅन इंडिया) चे डॉ. नरसिम्हा रेड्डी यांनी जुन 2021 मध्ये सिजेंटा कंपनीचे हेडक्वार्टर असलेल्या स्वीस मधील न्यायालयात दावा दाखल केला. याच प्रकरणात आता स्विस सरकारने मानवी मुल्यांच्या आधारावर शेतकऱ्यांच्याबाजूने केस लढणाऱ्यांना न्यायालयीन कामकाजासाठी लागणारा खर्च देण्याचा निर्णय घेतला आहे.