राज ठाकरेंविरोधात आणखी एक अजामीनपात्र अटक वॉरंट

२८ एप्रिल २०२२ ला राज ठाकरेंसह १० जणांविरोधात शिराळा न्यायदंडाधिकाऱ्यांनी अजामीनपात्र वॉरंट (Non-bailable warrant)बजावलं होतं. त्यासंदर्भातली सुनावणी ८ जून रोजी झाली. या सुनावणीला राज ठाकरे गैरहजर होते त्यामुळे त्यांच्या विरोधात आणखी एक अजामीनपात्र वॉरंट काढलं गेलं आहे.

२००८ मध्ये राज ठाकरे यांना अटक करण्यात आली होती. त्यानंतर जे आंदोलन झालं त्या प्रकरणी शिराळा कोर्टाने वॉरंट काढलं होतं. सध्या राज ठाकरे यांची प्रकृती चांगली नाही. त्यांच्यावर रूग्णालयात शस्त्रक्रियाही होणार होती मात्र त्यांच्या शरीरात कोरोनाच्या पेशी आढळल्याने ही शस्त्रक्रिया पुढे ढकलण्यात आली. याच कारणामुळे राज ठाकरे हे सुनावणीसाठी हजर राहू शकले नाहीत.