शिंदे-राणेंमध्ये दोस्ताना? : गणपतीला गेले, दसरा मेळाव्यालाही आमंत्रण देण्याची शक्यता

राणेंच्या घरी शिंदेंनी दिलेल्या भेटीमुळे अनेकांच्या भुवया उंचावल्या आहेत. गणेशोत्सवासोबतच शिंदे गटाकडून राणे यांना दसरा मेळाव्यालाही निमंत्रण मिळण्याचे संकेत दादर-माहिमचे आमदार सदा सरवणकर यांनी दिले आहेत. यामुळे शिवसेना पक्ष प्रमुख उद्धव ठाकरे आणि नारायण राणे यांच्यातील वैर सर्वश्रृत असताना राणे आणि शिंदे यांच्यामध्ये मैत्रीसंबंध वाढत आहेत का? असा सवाल सध्या राजकीय वर्तुळात विचारला जात आहे.

CM शिंदेंच्या दसरा मेळाव्याला व्यासपीठावर राज ठाकरे दिसणार? सदा सरवणकरांचे संकेत

नारायण राणे यांना दसरा मेळाव्याचे निमंत्रण?

राज ठाकरे, देवेंद्र फडणवीस आणि नारायण राणे हे जर दसरा मेळाव्याला व्यासपीठावर दिसले तर त्यात आश्चर्य वाटायला नको, असे म्हणतं राज ठाकरे यांना शिंदे गटाकडून दसरा मेळाव्याचे निमंत्रण दिले जाण्याची शक्यता असल्याचे संकेत शिंदे गटाचे आमदार सदा सरवणकर यांनी ‘मुंबई तक’शी बोलताना दिले आहेत.