दसरा मेळाव्यानंतर आता धनुष्यबाणाची लढाई! एकनाथ शिंदेंचं निवडणूक आयोगाला पत्र
शिवसेनेचे दोन दसरा मेळावे मुंबईत पार पडले. त्यानंतर आता धनुष्यबाणाची लढाई सुरू झाली आहे. धनुष्यबाण एकनाथ शिंदे यांना मिळणार की उद्धव ठाकरेंकडेच राहणार हे पाहणं महत्त्वाचं असणार आहे. केंद्रीय निवडणूक आयोगाला मुख्यमंत्री एकनाथ शिंदे यांनी पत्र लिहिलं आहे. ज्यानुसार आता धनुष्यबाण आम्हाला मिळावा अशी मागणी एकनाथ शिंदे यांनी केली आहे. शिवसेना कुणाची? धनुष्यबाण कुणाला मिळणार? […]
ADVERTISEMENT
शिवसेनेचे दोन दसरा मेळावे मुंबईत पार पडले. त्यानंतर आता धनुष्यबाणाची लढाई सुरू झाली आहे. धनुष्यबाण एकनाथ शिंदे यांना मिळणार की उद्धव ठाकरेंकडेच राहणार हे पाहणं महत्त्वाचं असणार आहे. केंद्रीय निवडणूक आयोगाला मुख्यमंत्री एकनाथ शिंदे यांनी पत्र लिहिलं आहे. ज्यानुसार आता धनुष्यबाण आम्हाला मिळावा अशी मागणी एकनाथ शिंदे यांनी केली आहे.
शिवसेना कुणाची? धनुष्यबाण कुणाला मिळणार?
शिवसेना कुणाची आणि धनुष्यबाण कुणाला मिळणार? यासाठी म्हणजेच पक्षासाठी आणि धनुष्यबाण चिन्हासाठी निवडणूक आयोगासमोर शुक्रवारी सुनावणी होणार आहे. त्याच आधी एकनाथ शिंदे यांनी निवडणूक आयोगाला उद्देशून पत्र लिहिलं आहे. एकनाथ शिंदे यांना धनुष्यबाण ही निशाणी मिळाली तर तो उद्धव ठाकरेंसाठी खूप मोठा धक्का मानला जाईल. जर धनुष्यबाण हे चिन्ह गोठवलं गेलं तरीही उद्धव ठाकरेंसाठी धक्का असेल कारण दोन्ही शक्यतांमध्ये नुकसान उद्धव ठाकरेंचंच जास्त होणार आहे.
निवडणूक आयोगाने चिन्ह गोठवलं तर काय?
निवडणूक आयोगाने चिन्ह गोठवलं तर दोन्ही गटांना म्हणजेच ठाकरे गटाला आणि शिंदे गटाला प्लान बी तयार ठेवावा लागेल. याचाच अर्थ दोन्ही गटांना पर्यायी चिन्ह तयार ठेवावं लागेल. हिंदुत्वाचे विचार, बाळासाहेब ठाकरेंचे विचार आम्ही पुढे घेऊन जात आहोत असा दावा आता दोन्ही गटांनी केला आहे. अशात एका पक्षात दोन गट पडल्याने चिन्ह आणि पक्ष कुणाकडे जाणार हे पाहणं अत्यंत महत्त्वाचं ठरणार आहे.
बीकेसीमध्ये तलवारीचं पूजन तर शिवतीर्थावर गदेचं पूजन
बीकेसी मैदानावर तलवारीचं पूजन करण्यात आलं तर शिवाजी पार्क मैदानावर गदेचं पूजन करण्यात आलं. त्यामुळे शिवसेनचं धनुष्यबाण हे चिन्ह गोठवलं गेलं तर दोन्ही गट तलवार आणि गदा ही चिन्हं घेऊ शकतात अशीही शक्यता वर्तवली जाते आहे.
हे वाचलं का?
