Election Results 2026 LIVE: 5 राज्यातील विधानसभा निवडणूक निकाल, तामिळनाडूत काँग्रेसचा थलपती विजयला हात?
Assembly Elections 2026 Vote Counting: तामिळनाडू, केरळ, आसाम, पुदुच्चेरी आणि पश्चिम बंगाल विधानसभा निवडणुकीची मतमोजणी आज (4 मे) होणार आहे. निकालाचे प्रत्येक अपडेट तुम्हाला मुंबई Tak वर पाहायला मिळतील.
ADVERTISEMENT
Assembly Election Results 2026: मुंबई: केंद्रीय निवडणूक आयोगाने (ECI) जाहीर केलेल्या वेळापत्रकानुसार, आसाम, केरळ, तामिळनाडू, पुदुच्चेरी आणि पश्चिम बंगाल या पाच राज्ये/केंद्रशासित प्रदेशातील विधानसभा निवडणुकीची मतमोजणी आज (4 मे) रोजी होणार आहे. एकाच दिवशी सर्व 824 विधानसभा जागांसाठी मतमोजणी सुरू होईल आणि निकाल दिवसभरात हळूहळू जाहीर होतील. मतमोजणी सकाळी 8 वाजता सुरू होईल आणि संध्याकाळपर्यंत बहुतेक निकाल स्पष्ट होतील, असे ईसीआयने स्पष्ट केले आहे.
या निवडणुकीत सुमारे 17.4 कोटी मतदारांनी भाग घेतला असून, ही 2029च्या लोकसभा निवडणुकीपूर्वीची महत्त्वाची 'सेमी-फायनल' मानली जात आहे. भाजप, काँग्रेस, तृणमूल, डीएमके, एआयएडीएमके, टीव्हीके, एलडीएफ आणि यूडीएफ यासारख्या प्रमुख पक्षांमध्ये कडवी लढत झाली. मतदान प्रक्रिया एप्रिल महिन्यात विविध टप्प्यात पार पडली.
5 राज्यातील विधानसभा निवडणूक निकाल LIVE
• पुदुच्चेरीचे मुख्यमंत्री एन. रंगासामी हे विजयी झाले आहेत. त्यांना 10,024 इतकी मतं मिळाली. त्यांना 4, 441 इतकं मताधिक्य मिळालं.
• तामिळनाडूचे उपमुख्यमंत्री उदयनिधी स्टालिन यांनी सुरुवातीच्या पिछाडीनंतर आघाडी घेतली आहे. सहाव्या फेरीअखेर ते 3056 मतांनी आघाडीवर आहेत.
