Exclusive: CM शिंदे दावोसला गेले पण 1.5 कोटीची बिलं थकवली, अन् आता...
CM Eknath Shinde: मुख्यमंत्री एकनाथ शिंदे यांनी जो दावोस दौरा केला होता त्या दौऱ्यातील 1.5 कोटींची बिलं थकली असून आता त्याबाबत नोटीस पाठविण्यात आली आहे.
ADVERTISEMENT
बातम्या हायलाइट
महाराष्ट्र सरकारने दावोसमधील दौऱ्याच बिल थकवलं
दावोसमधील कंपनीने शिंदे सरकारला धाडलं बिल
रोहित पवारांची सरकारवर जोरदार टीका
CM Eknath Shinde Davos Tour: मुंबई: मुख्यमंत्री एकनाथ शिंदे यांचा दावोस दौरा चर्चेचा विषय ठरला होता. मुख्यमंत्र्यांसोबत दौऱ्यावर गेलेल्या लोकांच्या खर्चावरुन आदित्य ठाकरेंनी चांगलंच घेरलं होतं. आता दावोस दौऱ्याच्या खर्चाबाबतच एक खळबळजनक बाब समोर आली आहे. ऐन निवडणुकीच्या तोंडावर शिंदे सरकारला अडचणीत आणणारी एक नोटीस स्वीत्झलंडवरुन येऊन महाराष्ट्रात धडकली आहे. (davos tour bills overdue service provider sends notice to shinde government what is the actual case)
एक कोटी पन्नास लाखांहून अधिकच्या रकमेची बिलं सरकारनं थकवली असल्याचं या नोटिशीत म्हटलं आहे. यावरुन आता विरोधकांनी सरकारला घेरलंय. नेमकं हे प्रकरण काय आहे. नोटिशीत नक्की काय आहे, विरोधकांनी कसं घेरलंय, सरकारनं यावर काय सांगितलंय हेच आपण या खास रिपोर्टमधून जाणून घेऊया.
परदेशी कंपनीने शिंदे सरकारला का पाठवली नोटीस?
स्वित्झर्लंडच्या दावोस शहरात जानेवारीमध्ये जागतिक आर्थिक परिषद पार पडली. या परिषदेसाठी मुख्यमंत्री एकनाथ शिंदे यांच्यासह जवळपास ७० लोकांची टीम गेली होती. ज्यांचा दौऱ्याशी काडीमात्र संबंध नाही, असे लोकंही दावोसला गेले असा आरोप आदित्य ठाकरे यांनी केला होता. दावोस दौऱ्यावर स्वतः खर्च करून निघालेल्या व्यक्तींची नावे जाहीर करा आणि महाराष्ट्राच्या शिष्टमंडळात त्यांची भूमिका, जबाबदारी काय असेल; तेही स्पष्ट करा, असं आव्हान आदित्य ठाकरेंनी दिलं होतं.
हे ही वाचा>> Anand Dighe Death: 'आनंद दिघेंचा घात झाला, त्यांना मारलं..', संजय शिरसाठांनी उडवून दिली खळबळ
दुसरीकडे एकनाथ शिंदेंनी 2024 मध्ये तीन लाख 233 कोटी रुपयांचे 24 करार केले असल्याचा दावा केला आहे. विदेशी थेट गुंतवणुकीत देशातील 30 टक्के गुंतवणुकीसह महाराष्ट्र देशात पहिल्या स्थानावर असल्याचं म्हटलं होतं. शिवाय दावोस दौऱ्याबाबत विरोधकांनी केलेली टीका ही संपूर्णपणे निरर्थक असून या दौऱ्यात कोणताही अनाठायी खर्च करण्यात आला नसून जो खर्च होईल त्यातील प्रत्येक रुपयाचा तपशील सर्वसामान्य लोकांपुढे आणला जाईल, असंही एकनाथ शिंदेंनी म्हटलं होतं.
हे वाचलं का?
