Drone Strike: भारताचा पाकिस्तानवर दुसरा मोठा हल्ला, थेट लाहोरपर्यंत मारली मजल, Air डिफेन्स सिस्टमच टाकली उखडून!
India Drone Strike on Pak: भारताने लाहोरमध्ये पाकिस्तानची हवाई संरक्षण प्रणाली उद्ध्वस्त केली आहे. ड्रोन स्ट्राईकच्या माध्यमातून आता भारताने पुन्हा एकदा पाकिस्तानला दणका दिला आहे.
ADVERTISEMENT
नवी दिल्ली: पहलगाम दहशतवादी हल्ल्याला प्रत्युत्तर देताना काल (7 मे) भारताने 'ऑपरेशन सिंदूर' करत पाकिस्तानवर एअर स्ट्राईक केला. ज्यामध्ये 9 दहशतवादी तळ उद्ध्वस्त करण्यात आले. त्यानंतर पाकिस्तानने आता भारतावर छुपे हल्ले करण्याचा प्रयत्न सुरू केला आहे. त्यामुळे आज (8 मे) पुन्हा एकदा भारताने पाकिस्तानवर मोठा हल्ला केला आहे. भारताने आज ड्रोन स्ट्राइक (Drone Strike)करत थेट लाहोरपर्यंत मजल मारली आहे.
'ऑपरेशन सिंदूर' सुरू केल्यानंतर, पाकिस्तान सतत बदला घेण्याबद्दल बोलत आहे. दरम्यान, पाकिस्तानी सैन्याच्या हवाई संरक्षण युनिटला सियालकोट, लाहोर आणि पाकिस्तानच्या आणखी एका शहरात मोठे नुकसान झाल्याच्या बातम्या येत आहेत.
मिळालेल्या माहितीनुसार, आज सकाळी भारतीय सशस्त्र दलांनी पाकिस्तानमधील अनेक ठिकाणी हवाई संरक्षण रडार आणि प्रणालींना लक्ष्य केले. भारताने ड्रोन स्ट्राईक करत लाहोर येथील हवाई संरक्षण प्रणालीला निष्क्रिय केल्याचं माहिती विश्वसनीयरित्या समजते आहे.
सूत्रांनी दिलेल्या माहितीनुसार, ड्रोन हल्ल्यात पाकिस्तानी लष्कराच्या मुख्यालयातील 9 क्षेपणास्त्र संरक्षण प्रणाली युनिट्सचे मोठे नुकसान झाले आहे. लाहोर व्यतिरिक्त, गुजरांवाला, रावळपिंडी, चकवाल, बहावलपूर, मियांवाली, कराची, चोर, मियांओ आणि अट्टॉक येथेही ड्रोन स्ट्राईक करण्यात आला आहे.
हे वाचलं का?
