विस्मरण की राजकारण? एकनाथ खडसेंकडून राष्ट्रवादीच्या प्रचारात भाजपला मतदान करण्याचं आवाहन, कार्यकर्ते म्हणाले...

मुंबई तक

Eknath Khadse : विस्मरण की राजकारण? एकनाथ खडसेंकडून राष्ट्रवादीच्या प्रचारात भाजपला मतदान करण्याचं आवाहन, कार्यकर्ते म्हणाले...

ADVERTISEMENT

Eknath Khadse
Eknath Khadse
social share
google news

बातम्या हायलाइट

point

विस्मरण की राजकारण?

point

एकनाथ खडसेंकडून राष्ट्रवादीच्या प्रचारात भाजपला मतदान करण्याचं आवाहन

point

कार्यकर्ते म्हणाले...तुतारी

Eknath Khadse : राष्ट्रवादी काँग्रेस (शरद पवार गट) पक्षाने भुसावळ येथे स्थानिक स्वराज्य संस्थांच्या निवडणुकीसाठी प्रचार सभा आयोजित करण्यात आली होती. मात्र, उमेदवाराच्या प्रचार सभेत माजी मंत्री एकनाथ खडसे यांनी केलेलं वक्तव्य राजकीय वर्तुळात मोठी खळबळ उडवत आहे. या सभेत भाषण करताना खडसे यांनी थेट “भाजपला मतदान करा” असे आवाहन केल्याचा व्हिडिओ समोर आला. राष्ट्रवादीच्या व्यासपीठावर उभे राहून विरोधी पक्षाचा प्रचार केल्याची ही ‘चूक’ अनेकांच्या भुवया उंचावणारी ठरली.

खडसेंचे वक्तव्य ऐकताच उपस्थित राष्ट्रवादीच्या कार्यकर्त्यांनी त्यांना तुतारी, म्हणजे राष्ट्रवादी शरद पवार गटाच्या निवडणूक चिन्हाची आठवण करून दिली. त्यानंतर खडसे यांनी तात्काळ चूक दुरुस्त करत, “तुतारीवर मतदान करा,” असे स्पष्ट आवाहन केले. अनेक वर्षे भाजपमध्ये काम केले असल्याने ‘कमळ’ हा शब्द तोंडातून निघाला, असे स्पष्टीकरणही त्यांनी दिले. मात्र, त्यांच्या या चुकेमुळे राजकीय चर्चांना उधाण आले आहे.

हेही वाचा : आम्हाला धमक्या देता, मी शंकरराव मोहिते पाटलांचा नातू; धैर्यशील मोहितेंचा राम सातपुतेंना छातीठोक इशारा VIDEO

खडसे यांनी यंदा मुक्ताईनगर नगरपालिका निवडणुकीत राष्ट्रवादी (शरद पवार गट) कडून कोणताही उमेदवार उभा करण्यात आलेला नाही . राष्ट्रवादीचा उमेदवार सक्षम नसल्याने हा निर्णय घेतल्याचे त्यांनी सांगितले होते. मात्र, या निर्णयामागे फायद्याचे समीकरण असल्याची चर्चा आधीच सुरू होती. त्यातच आता भाजपला मतदान करण्याचे त्यांचे उघड आवाहन समोर आल्याने संशयांना अधिक हवा मिळाल्याचे राजकीय विश्लेषकांचे मत आहे.

हे वाचलं का?

    follow whatsapp