Bhanudas Murkute: महिलेवर अत्याचार करणाऱ्या माजी आमदारचा 'तो' फोटो का होतोय Viral.. काय आहे कहाणी?
Former Mla Bhanudas Murkute Viral Photo : अहिल्यानगर जिल्ह्यातील श्रीरामपूरचे माजी आमदार भानुदार मुरकुटे यांच्याबाबत धक्कादायक माहिती समोर आलीय. राहुरी पोलिसांनी महिला अत्याचारप्रकरणी सोमवारी भानुदास मुरकुटे यांना अटक केली. या प्रकरणी न्यायालयाने मुरकुटे यांना दोन दिवसांची पोलीस कोठडी सुनावली.
ADVERTISEMENT
बातम्या हायलाइट
भानुदास मुरकुटेंच्या 'त्या' फोटोची कहाणी...
महिला छेडछाड प्रकरणी आंदोलन करणाऱ्या मुरकुटेंना महिला अत्याचारविरोधात अटक
कोण आहेत भानुदास मुरकुटे?
Former Mla Bhanudas Murkute Viral Photo : श्रीरामपूरचे माजी आमदार भानुदास मुरकुटे (वय 82 वर्ष) यांना एका महिलेवर मागील 5 वर्षांपासून लैंगिक अत्याचार केल्याप्रकरणी अटक करण्यात आली आहे. मुरकुटे यांच्या शेतातच काम करणाऱ्या महिलेने त्यांच्याविरोधात ही तक्रार दिल्यानंतर राहुरी पोलिसांनी मुरकुटेंना अटक केली. त्यांच्या अटकेच्या बातमीने संपूर्ण तालुक्यात एकच खळबळ माजली आहे. असं असताना आता भानुदास मुरकुटे यांचा एक जुना फोटो हा प्रचंड व्हायरल होत आहे. जाणून घ्या या फोटोची नेमकी कहाणी काय. (Shocking information has come to light regarding former MLA Bhanudas Murkute of Srirampur in Ahilyanagar district)
महिला अत्याचार प्रकरणी न्यायालयाने मुरकुटे यांना दोन दिवसांची पोलीस कोठडी सुनावली आहे. अशातच मुरकुटे यांचा विधानभवनातील एक जुना फोटो हा बराच व्हायरल होत आहे. ज्यामध्ये भानुदास मुरकुटे हे हातात दारुची बाटली आणि बांगड्या घेऊन विधानभवन परिसरात आंदोलन करत असल्याचं पाहायला मिळत आहे. हा फोटो 1984 सालातील असून तो ब्लॅक अँड व्हाइट आहे. पण आता मुरकुटे यांच्या अटकेनंतर हाच फोटो का व्हायरल होतोय याची नेमकी कहाणी आपल्याला सांगणार आहोत.
भानुदास मुरकुटेंच्या 'त्या' फोटोची कहाणी...
राज्याचे तत्कालीन उपमुख्यमंत्री रामराव आदिक यांनी दारुच्या नशेत एअर होस्टेस आणि अन्य एका महिलेशी अश्लील चाळे केल्याचा आरोप यांच्यावर करण्यात आला होता. रामराव आदिक हे जर्मनीच्या दौऱ्यावर गेलेले असताना हा धक्कादायक प्रकार घडल्याचा आरोप त्यांच्यावर करण्यात आला होता. याबाबतचं वृत्त हे टाइम्स ऑफ इंडिया या वृत्तपत्रात देखील छापून आलं होतं.
हे ही वाचा >> Crime : तृतीयपंथीयाची निर्घृण हत्या! गळा चिरून मृतदेह विहिरीत टाकला, पोलीस घटनास्थळी पोहोचले अन्...
ज्यानंतर त्यावेळी आमदार असलेल्या भानुदास मुरुकुटे यांनी रामराव आदिक यांच्याविरोधात तीव्र नाराजी व्यक्त करत थेट विधानभवन परिसरात आंदोलन केलं होतं. यावेळी मुरकुटे हे हातात दारुची बाटली आणि बांगड्या घेऊन विधानभवन परिसरात आले होते. मुरकुटे यांच्या आंदोलनामुळे रामराव आदिक हे अधिकच अडचणीत आले होते.
हे वाचलं का?
