जर्मनीची तरुणी ठाकरेंच्या मोर्चात पोहचली, मोदींवर बोलली ते ऐका VIDEO
German woman reacts Mumbai victory rally of Thackeray group : धर्मेंद्र प्रधान यांच्या राजीनाम्यानंतर मुंबईतील विजय रॅलीत सहभागी झालेल्या जर्मन तरुणीने भारताच्या शिक्षण व्यवस्था आणि युवकांबाबत महत्त्वाची प्रतिक्रिया दिली. लोकांचा आवाज ऐका आणि युवकांसाठी काम करा, असा संदेश देतानाच भारतात सकारात्मक बदलाची अपेक्षा तिने व्यक्त केली.
ADVERTISEMENT
बातम्या हायलाइट
जर्मनीची तरुणी ठाकरेंच्या मोर्चात पोहचली
मोदींवर बोलली ते ऐका
German woman reacts Mumbai victory rally of Thackeray group : धर्मेंद्र प्रधान यांनी केंद्रीय शिक्षणमंत्री पदाचा राजीनामा दिल्यानंतर मुंबईत विद्यार्थ्यांनी विजय जल्लोष रॅली काढली. या रॅलीत माजी मुख्यमंत्री उद्धव ठाकरे आणि मनसे प्रमुख राज ठाकरे यांनीही सहभाग घेतला. या सेलिब्रेशनदरम्यान जर्मनीहून मुंबईत आलेल्या एका तरुणीने भारतीय विद्यार्थ्यांच्या आंदोलनाबाबत, शिक्षण व्यवस्थेबाबत आणि केंद्र सरकारबाबत आपले मत व्यक्त केले. भारतात अनेक मित्र असल्याने आणि या देशाविषयी विशेष प्रेम असल्याचे सांगत तिने या विजयाच्या वातावरणाचा भाग बनण्याचा आनंद व्यक्त केला. मुंबईतील शांततापूर्ण आणि एकजुटीचे वातावरण पाहून आपण प्रभावित झाल्याचेही तिने सांगितले.
'मोर्चात सहभागी होणार होते, पण विजयी सोहळ्यात रूपांतर झाले'
त्या तरुणीने आपण आंदोलनाविषयी माहिती ठेवत असल्याचे सांगितले. या आंदोलनामुळे झालेल्या घडामोडींमुळे आनंद झाल्याचे सांगत, आपण मूळतः आंदोलनात सहभागी होण्यासाठी येणार होतो, मात्र त्याचे विजयी सोहळ्यात रूपांतर झाल्याने अधिक आनंद झाल्याचे ती म्हणाली. देशभरातील विविध वयोगटातील लोक एकत्र येऊन शांततेत विजय साजरा करत असल्याचे दृश्य पाहणे प्रेरणादायी असल्याचे तिने नमूद केले. केवळ तरुणच नव्हे, तर सर्वच वयोगटातील नागरिक एकत्र आल्याचे पाहून समाधान वाटल्याचेही तिने सांगितले.
हेही वाचा : विद्यार्थ्यांना मारहाणीचा आदेश कोणी दिला? राहुल गांधींच्या पत्रातून अमित शाहांना दोन तिखट सवाल