Maratha Reservation: “…तर आज आंदोलनाची वेळच आली नसती”, बावनकुळे ठाकरेंवर भडकले
Maratha Reservation Manoj jarange patil protest : देवेंद्र फडणवीस यांच्यावर उद्धव ठाकरेंनी टीका केली. या टीकेनंतर भाजपचे प्रदेशाध्यक्ष चंद्रशेखर बावनकुळे यांनी प्रत्युत्तर दिले.
ADVERTISEMENT
Uddhav Thackeray vs chandrashekhar Bawankule, Maratha Reservation News : राज्यात मराठा आरक्षणासाठी सुरू झालेलं आंदोलन उग्र झालं आहे. जाळपोळीसह काही हिंसक घटना घडल्या आहेत. राज्यातील काही भागात अशांत वातावरण असताना देवेंद्र फडणवीस हे प्रचारासाठी बाहेर राज्यात गेले होते. त्यावरून उद्धव ठाकरेंनी निशाणा साधला. ठाकरेंनी केलेल्या टीकेनंतर भाजप प्रदेशाध्यक्ष चंद्रशेखर बावनकुळे यांनी पलटवार केला आहे.
मराठा आरक्षणावरून उद्धव ठाकरे यांनी देवेंद्र फडणवीसांना लक्ष्य केलं. त्याला उत्तर देताना चंद्रशेखर बावनकुळे म्हणाले, “देवेंद्रजींनी मराठा समाजाला कायदा करून दिलेले आरक्षण उद्धव ठाकरे यांनी मुख्यमंत्री झाल्यावर घालवले.”
हे ही वाचा >> Manoj Jarange पाटलांची CM शिंदेंकडे मोठी मागणी, अर्धा तास काय झाली चर्चा?
“उद्धव ठाकरेंनी मराठा समाजाचे आरक्षण घालवले नसते, तर आज आंदोलनाची वेळच आली नसती. आता तेच उद्धव ठाकरे देवेंद्रजींना मराठा आरक्षणावरून सवाल करत आहेत. याला म्हणतात xxच्या उलट्या बोंबा!”, अशा शब्दात बावनकुळेंनी ठाकरेंना उत्तर दिलं आहे.
…ते आधी सांगा; बावनकुळेंचा सवाल
“बाप रुग्णालयात असताना पोरगा लंडनमध्ये काय करत होता ते उद्धव यांनी आधी सांगावे. मग देवेंद्रजींना विचारावे की, बाहेर प्रचारासाठी का गेलात?”,असा सवाल चंद्रशेखर बावनकुळे यांनी केला आहे.
हे वाचलं का?
