पाकिस्तानमध्ये घुसून भारताने कसा केला हल्ला? पहिल्यांदाच पाहा Operation Sindoor चा संपूर्ण Video

भारताने केलेल्या हवाई हल्ल्यात दहशतवाद्यांचे तळ उद्ध्वस्त

भारतीय सैन्याने एका मोठ्या कारवाईत हवाई हल्ले केले आणि पाकिस्तान आणि पीओकेमध्ये असलेले 9 दहशतवादी तळ पूर्णपणे उद्ध्वस्त केले. यानंतर, ऑपरेशन सिंदूरच्या तिसऱ्या रात्री भारताने पाकिस्तानच्या 11 एअरबेसवर हल्ला केला. ब्रह्मोस मिसाइलचा वापर करून पाकिस्तानचे 6 हवाई तळ उद्ध्वस्त केले.

हे ही वाचा>> 'ऑपरेशन सिंदूर'च्या रात्री भारताचा होता प्रचंड मोठा प्लॅन, कराचीत घडणार होतं भयंकर.. वाचा ही Inside स्टोरी

पाकिस्तामध्ये 100 किमी आत खोलवर कारवाई

भारतीय हवाई दलाने आणि लष्कराने सीमारेषा न ओलांडता पाकिस्तानच्या आत सुमारे 100 किमी अंतरावर असलेल्या बहावलपूरमधील जैश-ए-मोहम्मदच्या मुख्यालयावर बॉम्बहल्ला केला. याशिवाय पाकिस्तानमधील चार आणि पीओकेमधील पाच दहशतवादी तळांनाही लक्ष्य केलं.

प्राणघातक शस्त्रांचा वापर

या कारवाईत, भारतीय हवाई दलाच्या (IAF) आधुनिक लढाऊ विमान मिराज-2000 आणि सुखोई-30MKI ने बहावलपूर, कोटली आणि मुझफ्फराबाद येथील दहशतवाद्यांच्या अड्ड्यांवर अत्यंत अचूक पद्धतीने मारा केला. हे भाग जैश-ए-मोहम्मद आणि लष्कर-ए-तैयबा सारख्या दहशतवादी संघटनांचे गड मानले जातात. भारतीय लढाऊ विमानांनी स्कॅल्प क्रूझ क्षेपणास्त्र आणि हॅमर मिसाइलचा वापर करून आपली हवाई ताकद पाकिस्तानला दाखवून दिली.