Ashok Chavan: 'मी पण पक्षाला बरंच काही दिलंय...', काँग्रेस सोडताच असं का म्हणाले अशोक चव्हाण?
Ashok Chavan Statement: 'हे खरं आहे की, मला पक्षाने बरंच काही दिलं आहे.. पण तेवढंच मी देखील पक्षाला दिलं आहे.' असं विधान अशोक चव्हाण यांनी काँग्रेस पक्ष सोडल्यानंतर केलं आहे.
ADVERTISEMENT
बातम्या हायलाइट
अशोक चव्हाणांचा काँग्रेसला रामराम
अशोक चव्हाण नेमकं काय म्हणाले?
चव्हाणांनी काँग्रेस का सोडली?
Ashok Chavan Congress Resignation: मुंबई: काँग्रेसचे ज्येष्ठ नेते आणि राज्याचे माजी मुख्यमंत्री अशोक चव्हाण यांनी त्यांच्या आमदारकीचा आणि काँग्रेस पक्षाचा राजीनामा दिला आहे. राजीनामा दिल्यानंतर अशोक चव्हाण यांनी पत्रकार परिषदेत सांगितले की, मी राजीनामा दिला आहे. पुढे काय करायचे ते एक-दोन दिवसांत ठरवेन. याच वेळी त्यांना असाही प्रश्न विचारण्यात आला की, तुम्हाला काँग्रेसने मुख्यमंत्री पदासह बरंच काही दिलं तरीही तुम्ही काँग्रेस का सोडत आहात. त्यावर चव्हाण असं म्हणाले की, 'हे खरं आहे की, मला पक्षाने बरंच काही दिलं आहे.. पण तेवढंच मी देखील पक्षाला दिलं आहे.' (maharashtra political drama i also given a lot to party why did ashok chavan say this while leaving the congress)
काँग्रेस सोडल्यावर नेमकं काय म्हणाले अशोक चव्हाण?
मी आज काँग्रेस पक्षाच्या विधानसभेच्या सदस्यत्वाचा राजीनामा आज भेटून दिला आहे. त्यानंतर मी काँग्रेस पक्षाचा राजीनामा दिला आहे. काँग्रेसमध्ये होतो तोवर मी प्रामाणिकपणे काम केलं आहे. मला कुठलीही तक्रार कोणाबद्दलही करायची नाही.
'मी आयुष्यभर काँग्रेससाठी काम केले, पण आता मी पर्याय शोधत आहे. चव्हाण म्हणाले की, मी प्राथमिक सदस्यत्वाचा आणि विधीमंडळ पक्षाचा आणि कार्यकारिणीचा राजीनामा दिला आहे. मी सध्या कोणत्याही पक्षात जाण्याचा निर्णय घेतलेला नाही. मी कोणत्याही काँग्रेस आमदार किंवा नेत्याशी बोललो नाही. मी पक्षाच्या प्रश्नांवर जाहीर चर्चा करणार नाही. पंतप्रधानांच्या श्वेतपत्रिकेचा आणि माझा राजीनामा याचा काहीही संबंध नाही.'
'जोपर्यंत काँग्रेसमध्ये होतो तोपर्यंत मी काम केलेलं आहे. यापुढची राजकीय दिशा पुढील एक-दोन दिवसात स्पष्ट करेल. भाजपची कार्यप्रणाली मला अद्याप माहीत नाही. भाजपमध्ये जाण्याचा कोणताही निर्णय मी घेतलेला नाही.'
हे वाचलं का?
