मनोज जरांगेंनी खासदार बंडू जाधवांना दम भरला, फोनवर काय बोलून गेले? VIDEO
manoj jarange warning phone call to mp sanjay jadhav : परभणीत होणाऱ्या शेतकरी आणि युवा संवाद मेळाव्यावर मनोज जरांगे पाटील यांनी आक्षेप घेतला आहे. खासदार संजय जाधव यांच्याशी फोनवर बोलताना कार्यक्रम रद्द करण्याचा इशारा दिल्याचे समोर आले आहे.
ADVERTISEMENT
बातम्या हायलाइट
मनोज जरांगेंनी खासदार बंडू जाधवांना दम भरला
फोनवर काय बोलून गेले? VIDEO
Manoj Jarange Patil phone call to Sanjay Jadhav : परभणीत आज (दि.30) उपमुख्यमंत्री एकनाथ शिंदे यांच्या उपस्थितीत शेतकरी आणि युवा संवाद मेळाव्याचे आयोजन करण्यात आले आहे. परभणीचे खासदार संजय जाधव यांच्या वतीने या मेळाव्याचे आयोजन करण्यात आले असून, त्यांच्या शिंदेसेनेतील प्रवेशानंतर ठाकरे सेनेतील काही पदाधिकारी आणि नेतेही शिंदेसेनेत प्रवेश करणार असल्याची चर्चा आहे. मात्र, या कार्यक्रमावरून मराठा आंदोलक मनोज जरांगे पाटील यांनी आक्षेप घेतला आहे. मराठा आरक्षणाच्या मागणीसाठी अंतरवाली सराटीत उपोषण सुरू असताना परभणीत कार्यक्रम आयोजित करण्यात आल्याने जरांगे यांनी नाराजी व्यक्त केली आहे.
हेही वाचा : सरकारचा घोषणांचा पाऊस, शेतकऱ्याच्या हातात काहीच नाही? टोमॅटो शेतीवर नांगर फिरवला
कार्यक्रम तात्काळ रद्द करा, अन्यथा मी तिथं येईल - मनोज जरांगे
मनोज जरांगे पाटील यांनी खासदार संजय जाधव यांच्याशी फोनवर संवाद साधताना कार्यक्रम तात्काळ रद्द करण्याची मागणी केल्याचे सांगण्यात येत आहे. “आपल्यासाठी समाज महत्त्वाचा आहे. हा कार्यक्रम तात्काळ रद्द करा, अन्यथा मी तिथं येईल,” असा इशारा जरांगे यांनी दिला. मराठा समाजासाठी प्रमाणपत्रांचा मुद्दा महत्त्वाचा असून, तोपर्यंत कार्यक्रम घेऊ नका, अशी भूमिका त्यांनी मांडल्याचे दिसते. शिंदे साहेबांनी यावे आणि प्रमाणपत्र द्यावे, त्यानंतर कार्यक्रम घ्या, असेही ते म्हणाले.
हेही वाचा : 'बोलता येणार नाही, शेवटचं बोलतोय', मनोज जरांगेंनी समाजाला काय सांगितलं?