Maratha Reservation : ‘ती’ जाहिरात शिंदे सरकारच्या अंगलट, 24 तासांत डॅमेज कंट्रोल?
Maratha Reservation : महाराष्ट्रात मराठा आरक्षणाच्या मागणी जोर धरला. मनोज जरांगेंनी सरकारला अल्टिमेटम दिला. हा अल्टिमेटम संपण्याच्या तोंडावर शिंदे सरकारने जाहिरात दिली. ‘आम्ही दिलेल्या संधीचे सोने करा’, ‘आम्ही पाया मजबूत बनविला आहे… सकारात्मक ध्येयाकडे वाटचाल करा!’, असं सरकारने जाहिरातीतून म्हटलं. पण, या जाहिरातीवर टीका होताच, सरकारने दुसरी जाहिरात दिली. 24 तासांत प्रसिद्ध झालेली ही जाहिरात […]
ADVERTISEMENT
Maratha Reservation : महाराष्ट्रात मराठा आरक्षणाच्या मागणी जोर धरला. मनोज जरांगेंनी सरकारला अल्टिमेटम दिला. हा अल्टिमेटम संपण्याच्या तोंडावर शिंदे सरकारने जाहिरात दिली. ‘आम्ही दिलेल्या संधीचे सोने करा’, ‘आम्ही पाया मजबूत बनविला आहे… सकारात्मक ध्येयाकडे वाटचाल करा!’, असं सरकारने जाहिरातीतून म्हटलं. पण, या जाहिरातीवर टीका होताच, सरकारने दुसरी जाहिरात दिली. 24 तासांत प्रसिद्ध झालेली ही जाहिरात डॅमेज कंट्रोल करण्याचा प्रयत्न असल्याचे विरोधकांकडून राजकीय वर्तुळात बोललं जात आहे.
मराठा समाजाला आरक्षण द्या, मराठा समाजाला सरसकट कुणबी जात प्रमाणपत्र द्या, अशी मागणी मनोज जरांगे पाटील यांच्याकडून केली जात आहे. मनोज जरांगे यांच्या उपोषणापासून राज्यात मराठा आरक्षण मुद्दा तापला आहे. मनोज जरांगे यांनी शिंदे सरकारला आरक्षणाबद्दल निर्णय घेण्यासाठी 40 दिवसांचा अवधी दिला होता. तो 24 ऑक्टोबरला संपणार आहे.
संधीचं सोने करा… सरकारकडून EWS आरक्षणाचा पर्याय?
मनोज जरांगे पाटील यांनी दिलेला अल्टिमेटम संपण्याच्या तोंडावर रविवारी म्हणजे 22 ऑक्टोबर रोजी मराठी वर्तमानपत्रांमध्ये शिंदे सरकारची जाहिरात प्रसिद्ध झाली. EWS आरक्षणाच्या माध्यमातून मराठा समाजाला दिलेल्या फायद्यासंदर्भातील ही जाहिरात होती. याच जाहिरातीमुळे सरकारवर टीकेची झोड उठली.
हे ही वाचा >> Maratha Reservation : 50 टक्क्यांची मर्यादा आली कारण…, सुप्रीम कोर्टाचा निकाल काय?
“सर्वोच्च न्यायालयाचा ऐतिहासिक निर्णय… EWS करिता 10 टक्के आरक्षणावर मोहर उमटवली. EWS आरक्षणाचा मराठा समाजाला लाभ. शुद्ध मनानं आम्ही दिलेल्या संधीचं सोने करा… आम्ही पाया मजबूत बनविला आहे… सकारात्मक ध्येयाकडे वाटचाल करा!”, ठळकपणे अधोरेखित करत सरकारकडून मराठा समुदायाला देण्यात आलेल्या लाभाची आकडेवारी या जाहिरातीतून मांडली.
हे वाचलं का?
