मुंबई महापालिकेच्या टफ फाईट होणार? 60 ते 70 जागांवर अजूनही मतमोजणी बाकी, आत्तापर्यंतचं चित्र काय?
Mumbai Mahapalika Election 2026 Result : संध्याकाळी 4.30 वाजेपर्यंत समोर आलेल्या अधिकृत आकडेवारीनुसार भाजप सर्वाधिक 56 जागांवर आघाडीवर किंवा विजयी ठरलेला दिसत आहे. त्याखालोखाल उद्धव ठाकरे गट (UBT) 44 जागांवर आघाडीवर आहे. शिंदे गटाची शिवसेना 22 जागांवर, तर काँग्रेसने 16 जागांवर आघाडी मिळवली आहे.
ADVERTISEMENT
बातम्या हायलाइट
मुंबई महापालिकेच्या टफ फाईट होणार?
60 ते 70 जागांवर अजूनही मतमोजणी बाकी, आत्तापर्यंतचं चित्र काय?
Mumbai Mahapalika Election 2026 Result : मुंबई महानगरपालिकेच्या 227 जागांसाठी गुरुवारी (दि.15) मतदान प्रक्रिया पार पडली. त्यानंतर आज शुक्रवारी (दि.16) सकाळी 10 वाजल्यापासून मतमोजणीला सुरुवात झाली. मात्र दिवसभर उलटूनही मतमोजणीची प्रक्रिया अपेक्षेपेक्षा संथ गतीने सुरू असल्याचं पाहायला मिळालं. त्यामुळे अद्याप मुंबई महापालिकेचा अंतिम निकाल जाहीर झालेला नाही आणि सत्तासंघर्ष अधिकच रंगतदार होण्याची शक्यता निर्माण झाली आहे.
संध्याकाळी 4.30 वाजेपर्यंत समोर आलेल्या अधिकृत आकडेवारीनुसार भाजप सर्वाधिक 56 जागांवर आघाडीवर किंवा विजयी ठरलेला दिसत आहे. त्याखालोखाल उद्धव ठाकरे गट (UBT) 44 जागांवर आघाडीवर आहे. शिंदे गटाची शिवसेना 22 जागांवर, तर काँग्रेसने 16 जागांवर आघाडी मिळवली आहे. याशिवाय AIMIM ने 6, मनसेने 4, राष्ट्रवादी काँग्रेसने 2 आणि समाजवादी पक्षाने 2 जागांवर यश मिळवलं आहे. मात्र ही आकडेवारी अंतिम नसून, अजूनही तब्बल 60 ते 70 जागांवरील मतमोजणी प्रलंबित असल्याने चित्र कधीही बदलू शकतं.
हेही वाचा : Maharashtra Civic Poll Results LIVE: महाराष्ट्रातील 29 महानगरपालिकेचा निकाल एकाच ठिकाणी, पाहा LIVE
सकाळपासूनच कोणत्या पक्षाला स्पष्ट बहुमत मिळणार, यावर राजकीय वर्तुळात चर्चा सुरू होती. सध्याच्या आकडेवारीनुसार कोणत्याही एकाच पक्षाला स्पष्ट बहुमत मिळालेलं नसल्याचं दिसून येत आहे. त्यामुळे निकालानंतर संभाव्य युती, आघाड्या आणि सत्तास्थापनेच्या हालचालींना वेग येण्याची शक्यता आहे. विशेषतः काही महत्त्वाच्या वॉर्डांमध्ये मतांमधील फरक अत्यंत कमी असल्याने शेवटच्या फेऱ्यांमध्ये निकाल पलटण्याची शक्यता वर्तवली जात आहे.
हे वाचलं का?
