‘Friends हा काही मामूली विषय नाही..’, PM मोदींनी रात्री उशिरा शेअर केला VIDEO; पण…

‘पेपर लीक करणाऱ्यांना पकडून तुरुंगात टाकले’

पंतप्रधान मोदी यांनी आपल्या संदेशात सांगितले की, पेपर लीक प्रकरणातील गुन्हेगारांचा शोध घेऊन त्यांच्यावर कठोर कारवाई करण्यात आली असून अनेक आरोपींना अटक करून तुरुंगात पाठवण्यात आले आहे. विद्यार्थ्यांच्या भवितव्याशी खेळ करणाऱ्यांना कोणतीही सवलत दिली जाणार नसल्याचा स्पष्ट इशाराही त्यांनी दिला.

22 लाख विद्यार्थ्यांचे वर्ष वाया जाऊ दिले नाही

मोदी यांनी सांगितले की, सरकारचे सर्वात मोठे प्राधान्य विद्यार्थ्यांचे शैक्षणिक वर्ष वाचवणे हे होते. त्यामुळे जवळपास 22 लाख विद्यार्थ्यांसाठी NEET परीक्षा पुन्हा आयोजित करण्यात आली आणि नियोजित प्रक्रियेनुसार 19 तारखेला निकालही जाहीर करण्यात आला, असे त्यांनी नमूद केले.

फास्ट ट्रॅक कोर्ट आणि कठोर शिक्षेची तयारी

पंतप्रधानांच्या निर्देशानंतर संबंधित मंत्रालये आणि विभागांनी पेपर लीकसारख्या गंभीर गुन्ह्यांसाठी फास्ट ट्रॅक कोर्ट आणि कठोर शिक्षेची तरतूद असलेला कायद्याचा मसुदा तयार केला आहे. या प्रकरणांमध्ये जलद सुनावणी आणि दोषींना कठोर शिक्षा मिळावी, हा या प्रस्तावाचा मुख्य उद्देश असल्याचे सांगितले जात आहे.