'अमेरिका से भारत आया था चुपके-चुपके, उनका नाम है अभिजीत दिपके'; रामदास आठवलेंची भन्नाट कविता ऐकाच
ramdas athawale poem on abhijeet dipke rajya sabha speech : राज्यसभेत Anti-Paper Leak Bill वरील चर्चेदरम्यान केंद्रीय राज्यमंत्री रामदास आठवले यांनी त्यांच्या खास काव्यशैलीत अभिजीत दिपके यांचा उल्लेख करत कविता सादर केली. त्यानंतर त्यांनी आंदोलन, लाठीचार्ज आणि सरकारच्या भूमिकेवरही आपले मत व्यक्त केले.
ADVERTISEMENT
बातम्या हायलाइट
'अमेरिका से भारत आया था चुपके-चुपके, उनका नाम है अभिजीत दिपके'
रामदास आठवलेंची भन्नाट कविता ऐकाच
Ramdas Athawale poem on Abhijeet Dipke rajya sabha speech : राज्यसभेत Anti-Paper Leak Bill वरील चर्चेदरम्यान केंद्रीय राज्यमंत्री रामदास आठवले यांनी आपल्या खास शैलीत भाषण करत अभिजीत दिपके यांचा उल्लेख कवितेतून केला. भाषणाच्या सुरुवातीलाच त्यांनी, "अमेरिका से भारत आया था चुपके-चुपके, अमेरिका से जो भारत आया था चुपके-चुपके, उनका नाम है अभिजीत दीपके, अभिजीत दीपके" या ओळी सादर केल्या. या कवितेनंतर सभागृहात वेगळेच वातावरण निर्माण झाले. त्यानंतर त्यांनी सुरू असलेल्या आंदोलनाचा संदर्भ देत सरकारची भूमिका मांडली.
लाठीचार्जचे समर्थन नाही, आठवलेंची चौकशीची मागणी
रामदास आठवले यांनी सांगितले की, आंदोलन अनेक दिवस शांततेत सुरू होते आणि त्या काळात पोलिसांनी कोणतीही लाठीचार्जची कारवाई केली नव्हती. मात्र, संसदेकडे घुसण्याचा प्रयत्न झाल्यानंतर पोलिसांना लाठीचार्ज करावा लागला, असे त्यांनी म्हटले. त्याचवेळी त्यांनी लाठीचार्जचे समर्थन करत नसल्याचे स्पष्ट केले आणि या प्रकरणाची चौकशी व्हावी, तसेच पोलिसांकडून चूक झाली असेल तर संबंधितांवर कारवाई व्हावी, अशीही भूमिका त्यांनी मांडली. विद्यार्थ्यांच्या भविष्याचा विचार करणारे सरकार असल्याचे सांगत त्यांनी सरकार विद्यार्थ्यांच्या मागण्यांबाबत गंभीर असल्याचा दावा केला.
हेही वाचा : 'जेन झी'नं सनातन धर्म जगला, गीतांजली आंगमो यांचं वक्तव्य; आता अभिजीत दिपकेंची पहिली प्रतिक्रिया