पुण्यातील जैन बोर्डिंगचा व्यवहार अखेर रद्द, बिल्डर विशाल गोखलेंनी मेल पाठवला; आता रवींद्र धंगेकर म्हणाले...
Ravindra Dhangekar on Pune Jain boarding land transactions : पुण्यातील जैन बोर्डिंगचा व्यवहार अखेर रद्द, बिल्डर विशाल गोखलेंनी मेल पाठवला; आता रवींद्र धंगेकर म्हणाले...
ADVERTISEMENT
बातम्या हायलाइट
पुण्यातील जैन बोर्डिंगचा व्यवहार अखेर रद्द
बिल्डर विशाल गोखलेंनी मेल पाठवला
रवींद्र धंगेकर यांची पहिली प्रतिक्रिया
Ravindra Dhangekar on Pune Jain boarding land transactions : पुण्यातील जैन बोर्डिंग ट्रस्टसोबतचा वादग्रस्त जमीन व्यवहार अखेर रद्द करण्यात आला आहे. बिल्डर विशाल गोखले यांनी ई-मेलद्वारे जैन बोर्डिंग ट्रस्टला हा व्यवहार रद्द करण्याचा निर्णय कळवला आहे. ट्रस्टचे चेअरमन आणि इतर ट्रस्टी यांना पाठवलेल्या मेलमध्ये त्यांनी व्यवहारातून माघार घेत असल्याचं स्पष्ट केलं आहे. तसेच 230 कोटी रुपये परत देण्याची विनंतीही गोखले यांनी केली आहे.
धर्मदाय आयुक्तालयालाही पत्र पाठवून या व्यवहाराबाबत योग्य ती कायदेशीर कार्यवाही करावी, अशी मागणी त्यांनी केली आहे. नैतिकतेच्या दृष्टीने हा निर्णय घेतल्याचं सांगत, “जैन समाजाच्या भावना दुखवण्याचा माझा हेतू नव्हता,” असं स्पष्टीकरणही गोखले यांनी दिलं आहे.
जैन बोर्डिंगच्या जमिनीच्या व्यवहारावरून मागील काही दिवसांपासून राजकीय वातावरण तापलेलं आहे. भाजप खासदार आणि केंद्रीय राज्यमंत्री मुरलीधर मोहोळ यांच्यावर विरोधकांकडून आरोपांची मालिका सुरू होती. या प्रकरणी शिवसेना (शिंदे गट) नेते आणि माजी आमदार रवींद्र धंगेकर हे याप्रकरणी आक्रमक झाले होते. मात्र, मोहोळ यांनी सर्व आरोप फेटाळून लावले होते. या पार्श्वभूमीवर आता व्यवहार रद्द झाल्यानंतर रवींद्र धंगेकरांनी पहिल्यांदाच प्रतिक्रिया दिली आहे.
हेही वाचा : अभिनेत्री तेजस्विनी लोणारी आणि शिवसेना नेत्याचा साखरपुडा संपन्न, पाहा व्हिडीओ
हे वाचलं का?
