‘हे तर म्हणजे.. घोड्यापुढे गाडी जुंपली’, ठाकरेंच्या वकिलांचा सुप्रीम कोर्टात कोणावर गंभीर आक्षेप?
शिवसेना पक्षाचे नाव आणि धनुष्यबाण चिन्ह वादावर सुप्रीम कोर्टात सलग दुसऱ्या दिवशी सुनावणी झाली. ठाकरे गटाची बाजू मांडताना ज्येष्ठ वकील कपिल सिब्बल यांनी निवडणूक आयोगाच्या निर्णय प्रक्रियेवर गंभीर प्रश्न उपस्थित करत जोरदार युक्तिवाद केला.
ADVERTISEMENT
नवी दिल्ली: शिवसेना पक्षाचे नाव आणि धनुष्यबाण या निवडणूक चिन्हासंदर्भातील वादावर सुप्रीम कोर्टात आज सलग दुसऱ्या दिवशी सुनावणी झाली. ठाकरे गटाची बाजू मांडताना ज्येष्ठ वकील कपिल सिब्बल यांनी निवडणूक आयोगाच्या निर्णय प्रक्रियेवर कठोर टीका करत अनेक महत्त्वाचे कायदेशीर मुद्दे उपस्थित केले.
सिब्बल यांनी न्यायालयात सांगितले की, या प्रकरणात सर्वप्रथम आमदारांच्या अपात्रतेबाबत निर्णय होणे आवश्यक होते. मात्र, निवडणूक आयोगाने त्याआधीच पक्षाचे नाव आणि निवडणूक चिन्हाबाबत निर्णय घेतला. त्यांच्या मते, ही संपूर्ण प्रक्रिया "घोड्यापुढे गाडी जुंपण्यासारखी" होती.
'आधी अपात्रतेचा निर्णय, नंतर चिन्हाचा निर्णय हवा होता'
कपिल सिब्बल यांनी न्यायालयात स्पष्ट केले की, आमदार अपात्र आहेत की नाहीत, हा मूळ प्रश्न आधी निकाली निघणे आवश्यक होते. त्यानंतरच कोणता गट मूळ राजकीय पक्षाचा आहे, याचा निर्णय होऊ शकला असता.
हे ही वाचा>> शिवसेना नाव आणि चिन्ह वाद: सुप्रीम कोर्टात ठाकरेंची बाजू मांडताना सिब्बलांचा तुफान युक्तिवाद
मात्र, निवडणूक आयोगाने उलट क्रमाने आधी शिवसेना हे पक्षनाव आणि धनुष्यबाण हे निवडणूक चिन्ह शिंदे गटाला दिले. त्यानंतर शिंदे गटाने त्याच चिन्हावर निवडणुका लढवल्या आणि विजयही मिळवला.