‘नितीन गडकरींच्या खात्याचे घोटाळे PM मोदींनीच…’ ठाकरेंच्या खासदाराचं खळबळजनक वक्तव्य
भाजपकडून नितीन गडकरींना संपवण्याचा डाव सूरू असल्याचे चर्चा राजकीय वर्तुळात रंगली होती. यावर राज्यातील विरोधी पक्षातील नेत्यांच्या प्रतिक्रिया समोर येत होत्या. त्यात आता ठाकरेंचे खासदार विनायक राऊत यांनी खळबळजनक वक्तव्य केले आहे.
ADVERTISEMENT
कॅगच्या अहवालात मोदी सरकारच्या सात योजनांमध्ये भ्रष्टाचार झाल्याचे ताषेरे ओढण्यात आले होते. या भ्रष्टाचारात केंद्रीय मंत्री नितीन गडकरी (Nitin Gadkari). यावर राज्यातील विरोधी पक्षातील नेत्यांच्या प्रतिक्रिया समोर येत होत्या. त्यात आता ठाकरेंचे खासदार विनायक राऊत (Vinayak Raut) यांनी खळबळजनक वक्तव्य केले आहे. (thackeray mp vinayak raut criticize narendra modi on nitin gadkari cag dwarka express project)
देशातील नवीन प्रकल्पाचा कॅगने रिपोर्ट दिला होता. या रिपोर्टमध्ये नितीन गडकरी यांच्या खात्यात घोटाळा झाल्याचे उघड झाले आहे. भाजपच्या बेशरम वरिष्ठ नेतृत्वाने असा नाव न घेता पंतप्रधान नरेंद्र मोदीचा उल्लेख करत विनायक राऊत यांनी त्यांनीच हे घोटाळे उघड केल्याचा आरोप केला. तसेच पंतप्रधान पदाचे दावेदार होतील म्हणून नितीन गडकरींसाठी हा कट रचल्याचे देखील विनायक राऊत म्हणाले आहेत.
हे ही वाचा : शरद पवार-अजित पवार भेटीचं संजय राऊतांनी सांगितलं तिसरंच कारण; शिदेंना दिला इशारा
पण नितीन गडकरी यांना संपवण्याचा हा कट महाराष्ट्र उधळून लावेल. तुम्ही कशाला घाबरता, तुम्ही फक्त आवाज द्या, इंडियामध्ये या…तुम्हाला पंतप्रधान केल्याशिवाय आम्ही स्वस्थ बसणार नाही, हा शब्द तुम्हाला उद्धव ठाकरे सुद्धा देतील, अशी ऑफरच विनायक राऊत यांनी गडकरींना देऊन टाकली.
तसेच अख्ख्या देशात भ्रष्टाचारी राजवट सुरु आहे. कोरोनाच्या माध्यमातून पीएम केअर फंडात किती हजार कोटीचा निधी जमा झाला.देशातल्या, महाराष्ट्रातल्या लोकांना त्यात पैसे दिले, पण त्याचा हिशेब द्यायचा नाही, अशी टीका देखील राऊत यांनी मोदींवर केली.
हे वाचलं का?
