Uddhav Thackeray : ठाकरे PM मोदींवर कडाडले, 'धारावी अदाणींच्या घशात....'

Uddhav Thackeray criticize PM Narendra Modi  : 'तुमची घरे बांधेपर्यंत तुम्ही मिठागरात जाल, पण एकदा का तुम्ही मिठागरात गेलात तर परत तुम्हाला धारावी दिसणार नाही. कारण ही जागा दुसऱ्या तिसऱ्याच्या नाही तर अदाणींच्या घशात घातली जातेय' अशी टीका 
ठाकरे गटाचे प्रमुख उद्धव ठाकरे (Uddhav Thackeray) यांनी पंतप्रधान नरेंद्र मोदींवर (PM Narendra Modi) केली आहे.  (uddhav thackeray criticize pm narendra modi on gautam adani dharavi project maharashtra politics) 
 
उद्धव ठाकरे धारावीतून बोलत होते. सध्या ठाकरे मुंबईतील शाखांना भेटी देत आहे. यानिमित्तच धारावीतून बोलताना ठाकरेंनी पंतप्रधान मोदींवर हल्ला चढवला आहे. 'मी मुख्यमंत्री असताना काजुरमार्गची जागा मागत होतो,तेव्हा दिली नाही, पण आता पंतप्रधानांच्या मित्रासाठी अदाणीसाठी मुलुंडची मिठागराची जागा देऊन टाकली, हाच का तुमचा सबका साथ, सबका विकास. म्हणजेच साथ सगळ्यांची हवी आहे, पण विकास माझ्या मित्रांचाच व्हावा, म्हणजे सब का साथ मित्र का विकास', असा टोला ठाकरेंनी पंतप्रधान मोदींना लगावला.