Eknath Khadse : शरद पवारांची साथ आताच का सोडली? अखेर खडसेंनी दिलं उत्तर
Eknath Khadse Interview : एकनाथ खडसे यांनी राष्ट्रवादी काँग्रेसमधून पुन्हा भाजपमध्ये जाण्याचा निर्णय का घेतला?
ADVERTISEMENT
बातम्या हायलाइट
एकनाथ खडसे यांनी भाजपमध्ये जाण्याचा निर्णय घेतला
शरद पवारांची राष्ट्रवादी खडसेंनी का सोडली?
एकनाथ खडसे यांची महत्त्वाची मुलाखत
Eknath Khadse BJP : काही वर्षापूर्वी राष्ट्रवादी काँग्रेसमध्ये आलेले एकनाथ खडसे पुन्हा भाजपमध्ये घरवापसी करत आहेत. गेल्या काही दिवसांपासून त्यांची चर्चा सुरू होती. अखेर त्यांनी मुंबई Tak ला दिलेल्या मुलाखतीत याबद्दल खुलासा केला. शरद पवारांची साथ सोडून भाजपमध्ये जाण्याचे कारणही एकनाथ खडसेंनी सांगितले. (Why did Eknath Khadse decide to join BJP again?)
एकनाथ खडसे म्हणाले की, "एकतर अनेक वर्षांपासून भाजपच्या जुन्या आणि नवीन नेत्यांशी माझे केंद्रीय पातळीवर चांगले संबंध आहेत. बऱ्याचदा चर्चा होत असताना केंद्रीय पातळीवरील नेते तुम्ही भाजपमध्ये या... तुम्ही बरेच दिवस काम केले, वगैरे अशी चर्चा व्हायची."
"त्या चर्चेच्या माध्यमातून काहीजण आग्रही व्हायचे की आता निवडणूक आलेली आहे, तुम्ही या. या कालखंडात तिकडे जाणे जरा अवघड वाटतं होतं. पण, आता मी माझा निर्णय घेतलेला आहे की, मला भाजपमध्ये परत जायचं आहे", असे खडसे सुरुवातीला म्हणाले.
कोणत्या कारणामुळे भाजपमध्ये जाण्याचा निर्णय घेतला?
या प्रश्नाला उत्तर देताना एकनाथ खडसे म्हणाले, "भाजप हे माझं जुनं घर आहे. या घराच्या बांधकामापासून ते आताच्या स्टेजपर्यंत माझं काम राहिलेलं आहे. कुठे न कुठे, कमी अधिक प्रमाणात माझं योगदान आहे. या घरामध्ये ४०-४२ वर्ष राहिलेलो आहे. अशा स्थितीत थोडी नाराजी झाली... काही नेत्यांसोबत होती. पण, ती नाराजी झाली म्हणून मी बाहेर पडलो."
हे वाचलं का?
