सुप्रीम कोर्टाच्या निर्णयाने Vinod Tawde यांचा गेम फेल? वाचा चंदीगड महापौर निवडणुकीची Inside स्टोरी
Chandigarh Mayor Election: चंदीगड महापौरपदाच्या निवडणुकीबाबत सुप्रीम कोर्टाने एक ऐतिहासिक असा निकाल दिला आहे. ज्यामुळे भाजपला मोठा दणका बसला आहे. वाचा न्यायालयाच्या याच निर्णयासंबंधीच्या 5 महत्त्वाच्या गोष्टी.
ADVERTISEMENT
बातम्या हायलाइट
चंदीगड महापौर निवडणूक अन् राजकारण
सुप्रीम कोर्टाने दिला ऐतिहासिक निर्णय
भाजपला बसला मोठा धक्का
Anil Masih and chandigarh mayor election: नवी दिल्ली: सर्वोच्च न्यायालयाने आज (20 फेब्रुवारी) चंदीगड महापौर निवडणुकीबाबत निर्णय देताना आम आदमी पक्षाचे उमेदवार कुलदीप कुमार यांना विजयी घोषित केले. महापौर निवडणुकीत अवैध ठरलेल्या आठ मतपत्रिका या वैध असल्याचं म्हणत सर्वोच्च न्यायालयाने ऐतिहासिक असा निर्णय दिला आहे. यासोबतच निवडणूक निर्णय अधिकारी अनिल मसिह यांना न्यायालयाच्या अवमानाची नोटीस देखील बजावण्यात आली आहे. (vinod tawdes plan supreme court blow to bjp read inside story of chandigarh mayor election)
'हे न्यायालय न्याय देण्यास बांधील आहे'
सर्वोच्च न्यायालयाने मंगळवारी ऐतिहासिक निकाल देत आम आदमी पक्षाचे उमेदवार कुलदीप कुमार यांना विजयी घोषित केले. अशा डावपेचांनी लोकशाही प्रक्रिया नष्ट होणार नाही याची काळजी घेण्यास न्यायालय बांधील आहे, असे न्यायालयाने म्हटले आहे. हे न्यायालय न्याय देण्यास बांधील आहे, संपूर्ण निवडणूक प्रक्रिया रद्द करणे योग्य नाही, असे न्यायालयाने म्हटले आहे. मात्र पीठासीन अधिकारीच चुकीच्या कामात दोषी आहे असंही कोर्टाने यावेळी म्हटलं आहे.
आठ मतपत्रिका फेटाळल्या होत्या...
सरन्यायाधीश धनंजय चंद्रचूड यांच्या अध्यक्षतेखालील तीन सदस्यीय खंडपीठाने निवडणुकीत टाकलेल्या मतपत्रिकांची तपासणी केली आणि त्यात आठ मतपत्रिका वैध असल्याचे आढळले आणि त्या आम आदमी पक्षाचे महापौरपदाचे उमेदवार कुलदीप कुमार यांच्या बाजूने टाकण्यात आल्या होत्या. मात्र मसिह याने या आठ मतपत्रिकांमध्ये जाणीवपूर्वक छेडछाड करून त्या अवैध असल्याचा निकाल दिला होता.
हे ही वाचा >> 'आदर्श घोटाळा भाजपनं उघडकीस आणला' सुळेंनी नेमकं ते सांगितलं
अनिल मसिहने त्याच्या अधिकाराबाहेर जाऊन केलं काम
सुप्रीम कोर्टाचे सरन्यायाधीश चंद्रचूड यांच्या खंडपीठाने सांगितले की, व्हिडिओ पाहिल्यानंतर रिटर्निंग ऑफिसर अनिल मसिह यांनी काही मतपत्रिकांवर विशेष चिन्हे लावल्याचे स्पष्ट होते. आठही मते कुलदीप कुमार यांना देण्यात आले होते. मात्र रिटर्निंग ऑफिसरने मते अवैध ठरविण्यासाठी त्यात छेडछाड केली. त्याने स्पष्टपणे त्याच्या अधिकाराच्या पलीकडे कृती केली असल्याचं यावेळी कोर्टाने म्हटलं आहे.
हे वाचलं का?
