Ajit Pawar आता धनंजय मुंडेंचा राजीनामा घेणार?, अजितदादांनी केलं मोठं विधान
वाल्मिक कराडवर मकोका लावण्यात आल्याने आता धनंजय मुंडेंचा राजीनाम्याची मागणी जोर धरत आहेत. याच मुद्द्यावर अजित पवारांनी महत्त्वाचं विधान केलं आहे.
ADVERTISEMENT
बातम्या हायलाइट
विरोधकांकडून धनंजय मुंडेंच्या राजीनाम्याची मागणी
धनंजय मुंडेंच्या राजीम्याबाबत अजित पवारांचं मोठं विधान
मुख्यमंत्री देवेंद्र फडणवीस नेमका काय निर्णय घेणार?
मुंबई: संतोष देशमुख हत्या प्रकरणी वाल्मिक कराडवर मकोका लावण्यात आल्यापासून राज्यातील कॅबिनेट मंत्री धनंजय मुंडे यांचा राजीनामा घेण्यात यावा अशी विरोधकांनी मागणी लावून धरली आहे. अशातच आतापर्यंत धनंजय मुंडेंची पाठराखण करणाऱ्या अजित पवार यांनी मात्र आता एक मोठं विधान केलं आहे. त्यामुळे आता धनंजय मुंडे मंत्रिमंडळात राहणार की जाणार याकडेच सर्वांचं लक्ष लागून राहिलं आहे.
अजित पवार यांनी आज माध्यमांशी संवाद साधला त्याचवेळी त्यांना पत्रकारांकडून विचारण्यात आलं की, 'नैतिकतेच्या आधारावर धनंजय मुंडे राजीनामा देणार का?'
हे ही वाचा>> 'CM साहेब, माझ्या नवऱ्याने तुमच्या पक्षाचं प्रामाणिक काम केलं, आता तुम्हीच...', वाल्मिक कराडच्या पत्नीचं मोठं विधान
ज्यावर बोलताना अजित पवार म्हणाले की, 'जे कोणी दोषी असतील त्यांच्यावर कारवाई करा.. असं मुख्यमंत्र्यांना सांगितलेलं आहे आणि मुख्यमंत्री त्या पद्धतीने दोषींवर कारवाई करत आहेत.' असं विधान अजित पवारांनी केलं आहे.
वाल्मिक कराड आणि धनंजय मुंडेंबाबत अजित पवार नेमकं काय म्हणाले?
'ज्या दिवशी ही घटना घडली तेव्हापासून आम्ही सगळ्यांना ठरवलं होतं की, कोणाचीही हयगय करायची नाही. जे दोषी असतील, जे संबंधित असतील त्यांच्यावर कारवाई करायची.'
हे वाचलं का?
