Mla Disqualification : शिंदे अपात्र ठरले तर मुख्यमंत्री कोण? भाजपचा प्लॅन-बी काय?
News about MLA, Disqualification Case : शिवसेना आमदार अपात्रता प्रकरणात आज राहुल नार्वेकर निर्णय देणार आहेत. हा निर्णय शिंदे गटाच्या विरोधात असल्यास भाजपचा प्लॅन काय?
ADVERTISEMENT
Mla Disqualification Case : मुख्यमंत्री एकनाथ शिंदे यांच्यासह १६ आमदारांच्या अपात्रतेप्रकरणी विधानसभा अध्यक्ष राहुल नार्वेकर आपला निकाल देणार आहेत. विधानसभा अध्यक्षांनी शिंदे आणि त्यांच्या आमदारांना अपात्र ठरवले, तर महाराष्ट्रात पुढचा मुख्यमंत्री कोण होणार, महायुतीकडे पर्याय कोणते, असे प्रश्न उपस्थित होत आहे. या चर्चांनाही महत्त्व आहे कारण भाजपने सरकारवर कोणतेही संकट नसल्याचे स्पष्टपणे म्हटले आहे.
महाराष्ट्राचे उपमुख्यमंत्री आणि भाजप नेते देवेंद्र फडणवीस यांनी मंगळवारी स्पष्टपणे सांगितले की, “विधानसभा अध्यक्षांचा निर्णय काहीही असो, आमचे सरकार स्थिर राहील. आमची महायुती कायदेशीरदृष्ट्या वैध आहे. विधासभा अध्यक्षांचा निर्णयही आमच्या बाजूने लागेल, अशी आशा आहे.”
फडणवीस यांच्या वक्तव्यानंतर शिंदे यांच्या विरोधात निकाल आल्यास भाजप आपल्या प्लॅन-बीवर पुढे जाईल, हे स्पष्ट झाले आहे.
सुप्रीम कोर्टाने १० जानेवारीपर्यंत निर्णय देण्याची दिली होती मुदत
दीड वर्षापूर्वी म्हणजेच २० जून २०२२ रोजी एकनाथ शिंदे आणि ३० पेक्षा जास्त आमदारांनी शिवसेनेविरुद्ध बंड करून भाजपसोबत युतीचे सरकार स्थापन केले होते. शिंदे यांना मुख्यमंत्री करण्यात आले. फडणवीस उपमुख्यमंत्री झाले. दरम्यान, हे प्रकरण सर्वोच्च न्यायालयातही पोहोचले.
हे वाचलं का?
