मनसे अध्यक्ष राज ठाकरे शरद पवारांना का टार्गेट करत आहेत?
मनसे अध्यक्ष राज ठाकरे हे मागच्या एक महिन्यापासून चर्चेत आहेत. गुढी पाडव्याला त्यांनी जे भाषण केलं त्या भाषणात त्यांनी पुन्हा एकदा मशिदींवरच्या भोंग्यांचा मुद्दा पुढे आणला. तसंच १२ तारखेला जी उत्तर सभा ठाण्यात घेतली त्या सभेत तर त्यांनी याच मुद्द्यावरून अल्टिमेटमही दिला. अशात त्यांनी आणखी एक गोष्ट केली जी तिन्ही भाषणांमध्ये आणि ३ मे रोजी […]
ADVERTISEMENT
मनसे अध्यक्ष राज ठाकरे हे मागच्या एक महिन्यापासून चर्चेत आहेत. गुढी पाडव्याला त्यांनी जे भाषण केलं त्या भाषणात त्यांनी पुन्हा एकदा मशिदींवरच्या भोंग्यांचा मुद्दा पुढे आणला. तसंच १२ तारखेला जी उत्तर सभा ठाण्यात घेतली त्या सभेत तर त्यांनी याच मुद्द्यावरून अल्टिमेटमही दिला. अशात त्यांनी आणखी एक गोष्ट केली जी तिन्ही भाषणांमध्ये आणि ३ मे रोजी केलेल्या आवाहनात कायम होती. ती गोष्ट होती शरद पवारांना टार्गेट करणं.
३ मे रोजीच्या निवेदनात काय म्हणाले राज ठाकरे शरद पवारांबाबत?
महाराष्ट्र राज्याच्या मुख्यमंत्र्यांना आम्ही आवाहन करतो की कै. हिंदुहृदयसम्राट शिवसेनाप्रमुख बाळासाहेब ठाकरे यांनी कित्येक वर्षांपूर्वी सर्व भोंगे बंद झालेच पाहिजेत हे सांगितलेलं आपण ऐकणार आहात की तुम्हाला सत्तेवर बसवणाऱ्या बेगडी धर्मनिरपेक्षतावादी शरद पवारांचं ऐकणार आहात? याचा फैसला महाराष्ट्रातील जनतेसमोर एकदाचा होऊनच जाऊ दे.
हे वाचलं का?
