रणजी क्रिकेटरने महिला टीमच्या स्टार खेळाडूला केलं प्रपोज; रोमँटिक फोटोही केले शेअर

अर्जुनने तिला प्रपोज केले होते, त्याच्या प्रपोजचं उत्तर तिने होकारमध्ये दिलं आहे. प्रपोजलनंतर दोघांनीही एकमेकांना मिठी मारली आणि एकत्र फोटो क्लिक केले. महिला संघातील इतर खेळाडूंनी वेदा कृष्णमूर्तीचे आयुष्याच्या या नव्या टप्प्यासाठी अभिनंदन केले. दोघांचे हे फोटो चाहत्यांना खूप आवडले आहेत.

वेदा कृष्णमूर्तीची कारकीर्द

29 वर्षीय वेदाने वयाच्या 18 व्या वर्षी आंतरराष्ट्रीय पदार्पण केले आणि तिने देशासाठी 48 एकदिवसीय आणि 76 टी-20 आंतरराष्ट्रीय सामनेही खेळले आहेत. वेदा ही मधल्या फळीतील फलंदाज असून गोलंदाजीही करते. वेदाने आतापर्यंत आंतरराष्ट्रीय क्रिकेटमध्ये 10 अर्धशतके ठोकली असून तिची सर्वोत्तम धावसंख्या 71 धावा आहे. 2020 मध्ये आयसीसी महिला टी-20 विश्वचषक स्पर्धेत तिने भारतासाठी शेवटचा सामना ऑस्ट्रेलियाविरुद्ध खेळला होता. एकदिवसीय क्रिकेटमध्ये वेदाची सरासरी 25.9 आहे आणि ती सध्या भारतीय महिला क्रिकेट संघाचा भाग नाही.