मुलगी तापाने फणफणत असतानाही शमी मैदानात उतरला, ६ विकेट घेत संघाला सामना जिंकवून दिला

पाकिस्तानकडूनच खेळायचं होतं तर निळी जर्सी घालून का उतरलास अशा प्रकारच्या कमेंट शमीच्या सोशल मीडिया प्रोफाईलवर केल्या जात आहेत. परंतू भारतीय संघाकडून खेळणाऱ्या मोहम्मद शमीच्या खासगी आयुष्यात आतापर्यंत अनेक वादळं आली. परंतू या सगळ्या अडचणींवर मात करत शमी प्रत्येक वेळा मैदानात उतरला आणि त्याने आपलं नाणं खणखणीत वाजवून दाखवलं. सोशल मीडियावर शमीला ट्रोल करणाऱ्या ट्रोलभैरवांना कदाचीत ही बाब माहिती नसेल की आपली मुलगी तापाने फणफणलेली असतानाही शमी टीम इंडियाकडून आपलं कर्तव्य पूर्ण करण्यासाठी मैदानात उतरला होता.

जाणून घ्या काय घडलं होतं त्यावेळी नेमकं?

हा प्रसंग साधारण पाच वर्षांपूर्वीचा आहे. २०१६ मध्ये कोलकात्यामध्ये भारत विरुद्ध न्यूझीलंड यांच्यात कसोटी सामना खेळवला जात होता. त्यावेळी शमीची १४ महिन्यांची मुलगी तापाने आजारी पडली होती. यावेळी शमीच्या मुलीला श्वास घ्यायलाही प्रॉब्लेम होत होता. त्यामुळे तिला हॉस्पिटलमध्ये दाखल करावं लागलं. अशी परिस्थिती आलेली असतानाही शमी त्यावेळी मैदानात टिकून राहिला आणि त्याने आपलं कर्तव्य पूर्ण करत ६ विकेट घेत संघाच्या विजयात मोलाचं योगदान बजावलं.

BLOG : याला कारण एकच…आम्हाला पराभव सहन होत नाही !

मोहम्मद शमीच्या याच कामगिरीमुळे टीम इंडियाने तो सामना जिंकला होता आणि कसोटी क्रमवारीत संघ अव्वल स्थानावर पोहचला होता. महत्वाची गोष्ट म्हणजे या प्रकारानंतर भारताच्या सर्व आजी-माजी खेळाडूंनी शमीला आपला पूर्ण पाठींबा दर्शवला आहे.

When we support #TeamIndia, we support every person who represents Team India. @MdShami11 is a committed, world-class bowler. He had an off day like any other sportsperson can have.

I stand behind Shami & Team India.

— Sachin Tendulkar (@sachin_rt) October 25, 2021

We are so proud of you @MdShami11 bhaiya ??

— Yuzvendra Chahal (@yuzi_chahal) October 25, 2021

355 International wickets. It is India that beats in the heart of anyone representing India. And Mohammad Shami has been an outstanding and yet unsung servant of Indian cricket. More power to him.

— Venkatesh Prasad (@venkateshprasad) October 25, 2021

Winning and losing is a part of the game. The personal attack on Shami is uncalled for. I stand with #mohammadshami @MdShami11

— Mohammed Azharuddin (@azharflicks) October 25, 2021

One bad day shouldn't make us forget the value of the player.

If you support a team, you support each and every player…today and always! @MdShami11 pic.twitter.com/ABUyLsf9iM

— DK (@DineshKarthik) October 25, 2021

To the barsati maindhaks abusing team India and players online: #INDvPAK #T20WorldCup pic.twitter.com/Bl0zoHEwWd

— Wasim Jaffer (@WasimJaffer14) October 25, 2021

पाकिस्तानविरुद्ध सामन्यात भारतीय संघाची कामगिरी निराशाजनक झाली. १५२ धावांच्या आव्हानाचा पाठलाग करताना पाकिस्तानी फलंदाजांनी लिलया बॅटींग केली. मोहम्मद शमी, जसप्रीत बुमराह, भुवनेश्वर कुमार, वरुण चक्रवर्ती हे सर्व बिनीचे शिलेदार अपयशी ठरले. या स्पर्धेत भारताचा पुढचा सामना ३१ तारखेला न्यूझीलंडविरुद्ध होणार आहे.