विश्वविजेता टीम इंडियाची खेळाडू ऋचा घोष बनली DSP; किती मिळणार पगार?

ऋचा घोषने कमी वयात उत्तम कामगिरी करत भारतीय संघात स्थान मिळवले. 2020 साली केवळ 16 वर्षांची असताना तिने आपल्या दमदार फलंदाजी आणि प्रभावी विकेटकीपिंगमुळे सर्वांचे लक्ष वेधले. नुकत्याच झालेल्या महिला विश्वचषकाच्या अंतिम सामन्यात ऋचाने 24 चेंडूत 34 धावा करून भारताच्या विजयात महत्त्वाची भूमिका बजावली. तिच्या या कामगिरीसाठी सीएबीने तिला 34 लाख रुपयांचे बक्षीस दिले आहे.

डीएसपी झाल्यानंतर ऋचावर कायदा-सुव्यवस्थेची जबाबदारी सांभाळणे, पोलिस पथकांचे नेतृत्व करणे, गुन्हेगारी नियंत्रणात ठेवणे आणि विविध प्रशासनिक कामांची देखरेख करणे अशा महत्त्वाच्या जबाबदाऱ्या येणार आहेत.

हेही वाचा : बिझनेस पार्टनर बनला जिगरी दोस्त, पण त्यानेच बायकोसोबत अनैतिक संबंध ठेऊन केला घात, संतापलेल्या रामेश्वरने ट्रॅक्टरने चिरडलं

ऋचा घोषला किती मिळणार पगार? 

पश्चिम बंगाल पोलिस विभागात डीएसपी पदाचे मूल वेतन सुमारे 56,100 रुपये प्रतिमहा असते. या बेसिक पगारासह विविध भत्ते दिले जातात, ज्यामुळे एकूण मासिक उत्पन्न चांगले वाढते. दरवर्षी वेतनवाढही मिळत राहते. डीएसपींना मूल वेतनाबरोबरच महागाई भत्ता (DA) मिळतो. हा पगाराचा मोठा भाग असतो आणि तो वेळोवेळी वाढत असल्याने एकूण उत्पन्नात लक्षणीय वाढ होते.

याशिवाय ऋचाला घरभाडे भत्ता (HRA) आणि प्रवास भत्ता (TA) देखील मिळणार आहे. HRA मुळे राहण्याचा खर्च कमी होतो, तर TA मुळे अधिकृत प्रवासाचा खर्च पूर्णपणे भरला जातो. या सुविधा या पदाला अधिक फायदेशीर बनवतात.

डीएसपी पदासोबत सरकारी वाहन, वर्दी भत्ता, वैद्यकीय सुविधा, पेन्शन, सुट्टीचे भत्ते, तसेच इतर प्रशासनिक लाभही दिले जातात. या सर्व सुविधांमुळे हे पद केवळ प्रतिष्ठेचे नसून सुरक्षित आणि स्थिर करिअर देणारे ठरते.

इतर महत्त्वाच्या बातम्या 

'तुझ्या मुलांपेक्षा जास्त सुंदर तर...', एका टोमण्याने पूनम बनली सायको किलर; चार निष्पाप चिमुरड्यांना पाण्याच्या टाकीत...