Asia Cup 2023: BCCI ची केएल राहुलवर मेहरबानी का..? ‘या’ खेळाडूंवर अन्याय…
आशिया कप 2023 साठी (Asia Cup 2023) आता भारतीय संघाची (Team India) घोषणा करण्यात आली आहे. पण यावेळी केएल राहुलच्या निवडीवर बरेच सवाल उपस्थित केले जात आहेत.
ADVERTISEMENT
KL Rahul Injury Asia Cup 2023: मुंबई: आशिया कप 2023 साठी (Asia Cup 2023) आता भारतीय संघाची (Team India) घोषणा करण्यात आली आहे. या संघात स्टार ओपनर केएल राहुललाही (KL Rahul) संधी देण्यात आली आहे. मात्र धक्कादायक गोष्ट ही आहे की, आता राहुलच्या मांडीवर शस्त्रक्रिया करण्यात आली होती, त्यानंतर आता तो थेट आशिया कपमध्येच खेळताना दिसणार आहे. (why bcci favors kl rahul for asia cup 2023 injustice to sanju samson and other players )
निवडीपेक्षाही धक्कादायक
बीसीसीआयकडून राहुलची शस्त्रक्रिया झाल्यानंतर सरावाशिवाय आता भारतीय संघात त्याची निवड करण्यात आली आहे. निवड समितीने राहुलची यष्टीरक्षक म्हणून त्याची निवड केली आहे. या त्याच्या निवडीपेक्षाही धक्कादायक ही गोष्ट आहे की, अजूनही राहुल पूर्णपणे बरा झालेला नाही, त्यामुळे त्याच्यावर झालेली शस्रक्रिया ही त्याच्यासाठी त्रासदायकही असू शकते.
क्रिकेटप्रेमींच्या मनात प्रश्नांचे काहूर
निवड समितीने राहुलचा यष्टीरक्षक म्हणून संघात समावेश केला असला तरी क्रिकेटप्रेमींच्या मनामध्ये मात्र एक सवाल उपस्थित हो शकतो की, संजू सॅमसनसारख्या तंदुरुस्त यष्टीरक्षकाकडे दुर्लक्ष करून राहुलकडेच एवढे लक्ष का दिले गेले आहे? तसेच बीसीसीआय राहुलवर एवढी मेहरबानी का करत आहे? असा सवालही क्रिकेटप्रेमींच्या मनामध्ये उपस्थित येऊ शकतो. तर किक्रेटप्रेमींच्या मनात आलेल्या शंकेच उत्तर शोधायचंच म्हटले तर बीसीसीआय आणि निवड समितीला गेल्या काही काळापासून राहुलमध्ये त्यांना कर्णधारही दिसत असण्याची शक्यता आहे.
राहुलच्या खेळाबद्दल अनेक तज्ज्ञांनी त्याच्या खेळाचे आणि त्याच्या स्टाईलचे कौतुक केले आहे. तर अनेक वेळा राहुलकडे कर्णधारपदही दिलं गेले आहे.
हे वाचलं का?
