Wrestlers Protest : 7 तक्रारी… WFI ब्रिजभूषण सिंह यांच्यावर नेमके आरोप काय?

What is the case of wrestlers : 7 पैलवानांनी 21 एप्रिल रोजी कॅनॉट प्लेस पोलीस ठाण्यात ब्रिजभूषण सिंह यांच्याविरोधात तक्रार दाखल केली होती. या तक्रारींच्या आधारे 28 एप्रिल रोजी दिल्ली पोलिसांनी ब्रिजभूषण यांच्याविरोधात लैंगिक छळ केल्याचे दोन गुन्हे दाखल केले. पहिली एफआयआर अल्पवयीन पीडितेने केलेल्या आरोपांवर आधारित आहे. याप्रकरणी पोक्सो कायद्यान्वये गुन्हा दाखल करण्यात आला आहे. तर, दुसरी एफआयआर इतर कुस्तीपटूंनी लावलेल्या लैंगिक शोषणाच्या आरोपांशी संबंधित आहे.

एफआयआरमध्ये ब्रिजभूषण शरण सिंह यांच्यावर हे आरोप आहेत

दोन्ही एफआयआरमध्ये भादंवि कलम 354 (महिलांवर अत्याचार किंवा बळजबरी करणे), 354A (लैंगिक छळ), 354D (पाठलाग करणे) आणि 34 (हेतू) या दोन्ही एफआयआरमध्ये नमूद केले आहे, ज्यामध्ये आरोप सिद्ध झाल्यास आरोपीला एक ते तीन वर्षांची तुरुंगवासाची शिक्षा होऊ शकते. पहिल्या एफआयआरमध्ये 6 कुस्तीपटूंनी केलेल्या आरोपांचा समावेश असून WFI सचिव विनोद तोमर यांचे नावही त्यामध्ये आहे.

हेही वाचा >> ‘सत्य समोर यायला हवे’, भाजप खासदार प्रीतम मुंडेंनी मोदी सरकारला सुनावलं

दुसरी एफआयआर अल्पवयीन पीडितेच्या वडिलांनी केलेल्या तक्रारीवर आधारित आहे आणि त्यात POCSO कायद्याच्या कलम 10 चीही नोंद आहे. यामध्ये प्रकरणात दोषी ठरल्यास आरोपीला पाच ते सात वर्षांचा तुरुंगवासाच्या शिक्षेची तरतूद आहे. ज्या घटनांचा उल्लेख करण्यात आलेला आहे, त्या 2012 ते 2022 या कालावधीत भारतात आणि परदेशात घडल्या आहेत.

अल्पवयीन पीडितेने तक्रारीत काय म्हटलेले आहे?

– आरोपीने घट्ट पकडले, फोटो काढण्याचा बहाणा केला आणि त्याच्याकडे ओढले, आरोपीने खांदा जोरात दाबला आणि नंतर मुद्दाम चुकीच्या पद्धतीने शरीराला स्पर्श केला. पीडितेने स्पष्टपणे सांगितले होते की, पाठलाग करू नये, तरीही हे प्रकार केले गेले, असे पीडितेच्या बाजूने स्पष्ट करण्यात आले.

6 महिला कुस्तीपटूंनी तक्रारीत कोणते आरोप केले आहेत?

पहिली तक्रार- हॉटेलमधील रेस्तराँमध्ये जेवताना मला त्याच्या टेबलावर बोलावले, मला स्पर्श केला. छातीपासून पोटापर्यंत स्पर्श केला. माझ्या परवानगीशिवाय कुस्ती महासंघाच्या कार्यालयात माझ्या परवानगीशिवाय गुडघे, खांदे आणि तळवे यांना स्पर्श केला. पायांनी माझ्या पायांना स्पर्श केला. माझ्या श्वासोच्छवासाची पद्धत समजून घेण्याच्या बहाण्याने छातीपासून पोटापर्यंत स्पर्श केला.

दुसरी तक्रार- मी चटईवर झोपलेले असताना आरोपी (ब्रिजभूषण सिंह) माझ्याकडे आला. माझे प्रशिक्षक त्यावेळी तिथे नव्हते. माझ्या परवानगीशिवाय माझा टी-शर्ट ओढला आणि माझ्या छातीवर हात ठेवून माझा श्वास तपासण्याच्या बहाण्याने पोटाच्या खाली सरकावला. मी माझ्या भावासोबत फेडरेशनच्या कार्यालयात होते, त्यावेळी मला बोलावण्यात आले आणि माझ्या भावाला बाहेर थांबण्यास सांगितले, त्यानंतर मला खोलीत ओढून जबरदस्ती करण्याचा प्रयत्न केला.

हेही वाचा >> “…तर त्याचे खापर मोदी-शाहांवर फुटेल”, शिवसेनेचे (UBT) स्फोटक भाष्य

तिसरी तक्रार- त्यावेळी माझ्याकडे मोबाईल फोन नसल्याने त्याने मला माझ्या पालकांशी फोनवर बोलण्यास सांगितले. आरोपीने (सिंह) मला त्याच्या बेडवर बोलावले जेथे तो बसला होता आणि नंतर अचानक माझ्या परवानगीशिवाय त्याने मला मिठी मारली. त्याची शरीरसुखाची इच्छा पूर्ण करण्यासाठी त्याने मला सप्लिमेंट्स विकत घेऊन देण्याचे आमिष दाखवून लाच देण्याचाही प्रयत्न केला.

चौथी तक्रार – ब्रिजभूषण शरण सिंह यांनी मला बोलावून माझा टी-शर्ट ओढून माझ्या पोटाखाली हात सरकवला. माझा श्वास तपासण्याच्या बहाण्याने त्याने माझ्या नाभीवर हात ठेवला.

हेही वाचा >> sakshi murder : ‘प्रविणसाठी ती मला वापरत होती अन्…’, साहिलने पोलिसांना सगळंच सांगितलं

5वी तक्रार- मी रांगेत सर्वात शेवटी होते, त्यावेळी आरोपीने चुकीच्या पद्धतीने स्पर्श केला. मी दूर जाण्याचा प्रयत्न केला, तेव्हा माझा खांदा पकडला.

सहावी तक्रार- फोटो काढण्याच्या बहाण्याने आरोपीने माझ्या खांद्यावर हात ठेवला. त्याला मी विरोध केला.