त्वचारोग तज्ज्ञ डॉक्टरने उपचारासाठी तरुणीला कपडे काढायला सांगितले, अन् केलं संतापजनक कृत्य

अधिकची माहिती अशी की, तरुणीला त्वचेच्या संसर्गाचा त्रास होत असल्याने ती उपचारासाठी डॉ. प्रवीण यांच्या खासगी क्लिनिकमध्ये गेली होती. सुरुवातीला डॉक्टरांनी नियमित चौकशी करत उपचाराची माहिती घेतली. मात्र काही वेळानंतर डॉक्टरांची वागणूक संशयास्पद वाटू लागली. उपचाराच्या बहाण्याने त्यांनी तरुणीला कपडे काढण्यास सांगितले आणि तिच्याशी गैरवर्तन केले. डॉक्टरांनी तिला अयोग्य पद्धतीने स्पर्श केला, मिठी मारली आणि तिच्या इच्छेविरुद्ध किस घेण्याचा प्रयत्न केला, असा आरोप तक्रारीत करण्यात आला आहे.

फक्त एवढेच नव्हे, तर डॉक्टरांनी तरुणीशी अश्लील संभाषण केले आणि एका हॉटेलमध्ये भेटण्याचा प्रस्ताव देखील मांडला. या वागणुकीमुळे घाबरलेल्या तरुणीने कसाबसा तिथून पळ काढला. घरी पोहोचताच तिने संपूर्ण घटना आपल्या कुटुंबीयांना सांगितली. त्यानंतर कुटुंबीयांनी तातडीने पोलिसांकडे धाव घेतली.

हेही वाचा : ऐन दिवाळीत कोल्हापूर-राधानगरी रस्त्यावर भीषण अपघात, भाऊबीजेपूर्वी भावासह बहिणीचा चिरडून मृत्यू

तक्रार नोंदविल्यानंतर पोलिसांनी तत्काळ कारवाई करत डॉक्टर प्रवीण यांना अटक केली. त्यांच्यावर भारतीय न्याय संहिता (BNS) अंतर्गत कलम 75 (लैंगिक अत्याचार) आणि 79 (महिलांच्या सन्मानाला ठेस पोहोचविणारे कृत्य) यांनुसार गुन्हा दाखल करण्यात आला आहे. पोलीस या प्रकरणाचा पुढील तपास करत असून डॉक्टरांचा पूर्वइतिहासही तपासला जात आहे.

यापूर्वीही अशा स्वरूपाची घटना हिमाचल प्रदेशातील चंबा जिल्ह्यात समोर आली होती. तेथे एका महिलेने सरकारी रुग्णालयातील डॉक्टरवर अश्लील वर्तनाचा आरोप केला होता. त्या महिलेनं भावनिक अवस्थेत व्हिडिओ प्रसिद्ध करून डॉक्टरांनी तिच्याशी तसेच तिच्या दीड वर्षांच्या मुलीबद्दल अपमानजनक शब्द वापरल्याचा आरोप केला होता.

या सलग घडणाऱ्या घटनांमुळे वैद्यकीय व्यवसायातील नैतिकतेवर प्रश्नचिन्ह निर्माण झाले आहे. रुग्णांचा विश्वास जपणाऱ्या व्यावसायिक क्षेत्रात काही व्यक्तींच्या वर्तनामुळे समाजात संताप आणि भीतीचं वातावरण निर्माण झालं आहे. पोलिस या प्रकरणात कठोर तपास करत असून दोषींवर कडक कारवाई होण्याची अपेक्षा व्यक्त होत आहे.

इतर महत्त्वाच्या बातम्या 

दिवाळी बोनस म्हणून सोन पापडी दिली, संतापलेल्या कर्मचाऱ्यांनी कंपनीच्या गेट समोर बॉक्स फेकले