पुणे : लग्नात 45 लाखांचा खर्च, 10 तोळे सोने भेट; तरीही वैष्णवीची आत्महत्या कशामुळे?

हेही वाचा : मुंबईची खबर : CSMT स्थानकात 75 दिवसांचा ट्राफिक अन् पॉवर ब्लॉक, वेळापत्रक कोलमडणार; मध्य रेल्वेचा निर्णय काय?

लग्नानंतर परिस्थिती बदलल्याचा आरोप 

मृत महिलेचे नाव वैष्णवी ओंकार गिसरे असे आहे. त्या पुण्यातील वडाचीवाडी परिसरातील एका निवासी सोसायटीमध्ये पतीसोबत राहत होत्या. वैष्णवी यांचा विवाह ओंकार संजय गिसरे (वय 28) यांच्यासोबत 9 मे रोजी झाला होता. विवाहासाठी वैष्णवी यांच्या कुटुंबीयांनी सुमारे 45 लाख रुपये खर्च केले होते. तसेच लग्नात 10 तोळे सोने भेट म्हणून दिले होते. मात्र, लग्नानंतर परिस्थिती बदलल्याचा आरोप त्यांच्या कुटुंबीयांनी केला आहे.

हेही वाचा : मुंबईची खबर : CSMT स्थानकात 75 दिवसांचा ट्राफिक अन् पॉवर ब्लॉक, वेळापत्रक कोलमडणार; मध्य रेल्वेचा निर्णय काय?

5 लाखांच्या मागणीसाठी मानसिक आणि शारीरिक छळ  

कुटुंबीयांच्या म्हणण्यानुसार, चारचाकी वाहन घेण्यासाठी वैष्णवी यांनी माहेरून 5 लाख रुपये आणावेत, अशी वारंवार मागणी केली जात होती. या मागणीवरून त्यांचा मानसिक आणि शारीरिक छळ केला जात असल्याचा आरोप आहे. गुरुवारी रात्री वैष्णवी यांनी पुण्यातील राहत्या घरात छताच्या पंख्याला गळफास घेऊन आत्महत्या केल्याचे पोलिसांनी सांगितले. घटनेनंतर वैष्णवीचे वडील प्रविण रघुनाथ जरांडे (वय 51, रा. पुरंदर तालुका) यांनी पोलिसांकडे तक्रार दाखल केली.

या तक्रारीनंतर पोलिसांनी वैष्णवी यांचे पती ओंकार संजय गिसरे, सासरे संजय महादेव गिसरे (49) आणि सासू रुपाली संजय गिसरे (42) यांच्याविरोधात गुन्हा दाखल केला आहे. हुंडा प्रतिबंधक कायद्यातील संबंधित कलमांसह आत्महत्येस प्रवृत्त केल्याप्रकरणी त्यांच्यावर कारवाई करण्यात आली आहे. या प्रकरणाचा पुढील तपास सुरू आहे.