हे ही वाचा : जालना: आधी झाडाखाली, नंतर ढाब्यावर... 5 जणांकडून भोळसर महिलेवर सामूहिक अत्याचार! न्यायालयाचा महत्त्वपूर्ण निकाल

दारु पाजून अत्याचार

मिळालेल्या माहितीनुसार, पीडित मुलगी दहावीत शिकत असून मंगळवारी (24 फेब्रुवारी) संध्याकाळी साडेसहाच्या सुमारास ती घराशेजारील दुकानात सामान आणण्यासाठी गेली होती. तिथे तिला शेजारीच भाड्याने राहणारे मोहित (20) आणि प्रदीप (24) हे दोन तरुण भेटले. त्यांनी तिला फिरवून आणण्याच्या बहाण्याने आपल्या कारमध्ये बसवले आणि निर्जनस्थळी नेले. तिथे पोहोचल्यावर त्यांनी मुलीला दारु पाजली आणि त्यानंतर तिच्यावर सामूहिक अत्याचार केला.

बेशुद्धावस्थेत सापडली मुलगी

रात्री साडेदहा वाजेपर्यंत मुलगी घरी न परतल्याने घाबरलेल्या पालकांनी पोलीस ठाणे गाठले. पोलिसांनी तातडीने शोधमोहीम सुरू केली असता रस्त्यावर एक संशयास्पद कार उभी असल्याचे दिसले. पोलिसांनी कारची झडती घेतली असता, पीडित मुलगी तिथे बेशुद्ध अवस्थेत आढळून आली. यावेळी दोन्ही आरोपी देखील कारमध्येच होते. पोलिसांनी तातडीने मुलीला वैद्यकीय तपासणीसाठी रुग्णालयात पाठवले आणि दोन्ही नराधमांना ताब्यात घेतले.

हे ही वाचा : सात वर्षाच्या पुतण्यावर बलात्कार करुन बनियनने तोंड दाबून केली हत्या, सख्ख्या चुलत्याचे कृत्य; चौकशीत धक्कादायक कबुली

आरोपींची रवानगी तुरुंगात

पोलिसांनी दिलेल्या माहितीनुसार, या प्रकरणी मोहित आणि प्रदीप यांच्याविरोधात सामूहिक बलात्कार आणि पोक्सो कायद्याच्या विविध कलमान्वये गुन्हा नोंदवण्यात आला आहे. पोलिसांनी या गुन्ह्यात वापरलेली कार जप्त केली असून, आरोपींना न्यायालयात हजर केले असता त्यांची रवानगी न्यायालयीन कोठडीत करण्यात आली आहे. या घटनेमुळे परिसरात मुलींच्या सुरक्षेचा प्रश्न पुन्हा एकदा ऐरणीवर आला असून नागरिकांमधून तीव्र संताप व्यक्त होत आहे.