Shraddha Walker: चायनीज चॉपरने केले श्रद्धाच्या मृतदेहाचे तुकडे, आफताबचा नवा खुलासा

श्रद्धा वालकर हत्याकांडात पोलिसांना आता एक महत्त्वाची माहिती हाती लागली आहे. पोलिसांना ते हत्यार मिळालं आहे ज्याने आफताबने श्रद्धाच्या मृतदेहाचे तुकडे केले. सूत्रांनी दिलेल्या माहितीनुसार आफताबने श्रद्धाची हत्या केल्यानंतर सर्वात आधी तिच्या मृतदेहापासून तिचे हात वेगळे केले होते. नार्को टेस्टमध्ये आफताबने एका छोट्या सुरीने श्रद्धाच्या मृतदेहाचे तुकडे केले होते. पोलिसांनी आता त्या ठिकाणीही शोध सुरू केला आहे. आजतकने या संदर्भातलं वृत्त दिलं आहे.

पोलिसांनी काय दावा केला आहे?

पोलिसांनी आफताबच्या फ्लॅटमधून काही धारदार हत्यारं ताब्यात घेतली आहेत असा दावा केला आहे. पोलिसांच्या सूत्रांनी दिलेल्या माहितीनुसार याच हत्यारांनी श्रद्धाच्या मृतदेहाचे तुकडे करण्यात आले होते. पोलीस आता हे शोधत आहेत की आफताबने चायनिज चॉपर कुठून खरेदी केला होता.

पोलीस आणखी काय तपासत आहेत?

पोलीस आता हेदेखील तपासत अआहेत की जी हत्यारं मिळाली आहेत १८ मेच्या पूर्वी खरेदी केली गेली का? जर हे सिद्ध झालं तर की ही हत्यारं १८ मे पूर्वी घेण्यात आली आहेत तर हे आफताबने कट रचून हत्या केली हे स्पष्ट होईल. आफताब पोलिसांना चौकशीदरम्यान सातत्याने सांगतो आहे की त्याने रागाच्या भरात श्रद्धाची हत्या केली. सूत्रांनी दिलेल्या माहितीनुसार श्रद्धाची हत्या केल्यानंतर आफताबने तिचा मोबाइल आपल्याजवळच ठेवला होता. मुंबई पोलिसांनी जेव्हा त्याला चौकशीसाठी बोलावलं होतं त्यावेळीही आफताबकडे तो मोबाइल होता. त्यानंतर तो मोबाइल मुंबईतल्या समुद्रात फेकला.

तुरुंगात एकटा बुद्धिबळ खेळतो आफताब

श्रद्धा वालकर हत्यांकाड प्रकरणात पोलिसांनी आफताबची तासन् तास चौकशी केली आहे. त्याची पॉलिग्राफ आणि नार्को चाचणी झाली आहे. त्याने खूप चलाखपणे या चौकशीच्या दरम्यान उत्तरं दिली आहेत. पोलिसांना चौकशीदरम्यान तो नवी माहिती देऊ शकलेला नाही. चौकशी दरम्यान तो शांत असतो. तुरुंगात तो एकटा बुद्धिबळ खेळतो. तिहार जेलच्या सूत्रांनी दिलेल्या माहितीनुसार बराक क्रमांक ४ मध्ये आफताबला ठेवण्यात आलं आहे. वेळ घालवण्यासाठी तो काही तास बुद्धिबळ खेळत बसतो.

आफताबने मृतदेहाचे 35 तुकडे करून फ्रीजमध्ये ठेवले

आफताबवर 18 मे रोजी श्रद्धाचा गळा दाबून खून केल्याचा आरोप आहे. श्रद्धा ही आफताबची मैत्रीण होती. दोघेही मुंबईचे रहिवासी होते. इकडे वसईत दोघे लिव्ह इन रिलेशनशिपमध्ये राहत होते. नंतर दोघांनी दिल्लीत राहण्याचा निर्णय घेतला. दोघेही 8 मे पासून दिल्लीतील मेहरौली येथे लिव्ह इन फ्लॅटमध्ये राहत होते. 18 मे रोजी श्रद्धा आणि आफताबमध्ये भांडण झाले होते. यानंतर आफताबने त्याची हत्या केली. यानंतर आफताबने मृतदेहाचे 35 तुकडे करून फ्रीजमध्ये ठेवले. तो रोज रात्री मेहरौलीच्या जंगलात मृतदेहाचा तुकडा टाकण्यासाठी जात असे. पोलिसांनी 12 नोव्हेंबरला आफताबला अटक केली होती.

श्रद्धाला आफताबसोबत ब्रेकअप करायचे होते

दिल्ली पोलिसांच्या माहितीनुसार, श्रद्धाला आफताबसोबत ब्रेकअप करायचे होते. यामुळे आफताबला राग आला आणि त्याने निर्दयीपणे श्रद्धाची हत्या केली. आफताबच्या वागण्याला आणि मारहाणीला श्रद्धा कंटाळली होती. अशा परिस्थितीत त्यांनी आफताबपासून वेगळे होण्याचा निर्णय घेतला होता. 3-4 मे रोजी श्रद्धाने वेगळे होण्याचा निर्णयही घेतला होता. मात्र आफताबला हे पटले नाही आणि त्याने श्रद्धाची हत्या केली. मात्र, याआधी आफताबने चौकशीदरम्यान सांगितले होते की, श्रद्धा त्याच्यावर लग्नासाठी दबाव आणत होती, या प्रकरणात त्याने श्रद्धाची हत्या केली.