दुष्काळी दौरे काजू, बदाम खाण्यासाठी आहेत का?

शासकीय दौऱ्यांच्या नावाखाली सुरू असलेल्या या कारभारावर टीका करताना ठाकरे म्हणाले की, 'दौऱ्यात मुख्यमंत्र्यांसोबत फिरणारे मंत्री, अधिकारी आणि सहकाऱ्यांना शेतकऱ्यांच्या या दुःखाशी आणि वेदनांशी खरोखरच काही देणेघेणे आहे की नाही, असा प्रश्न पडतो. दुष्काळी दौऱ्यांचे वास्तव मांडताना त्यांनी काही बातम्यांचा हवाला दिला. अनेक ठिकाणी हे दौरे अवघ्या दहा मिनिटांत उरकण्यात आले असून, तिथे जाऊन केवळ भाजपच्या स्थानिक कार्यकर्त्यांच्याच गाठीभेटी घेण्यात आल्याचे समोर आले आहे.' हे सर्व देखावे सरकार नक्की कोणासाठी आणि कशासाठी करत आहे, असा थेट सवाल करत ठाकरेंनी या दौऱ्यावर ताशेरे ओढले. तसेच हे दौरे काजू, बदाम खाण्यासाठी आहेत का असा सवालही त्यांनी उपस्थित केला.

हे ही वाचा : मुख्याध्यापक गालाला चुकीचा स्पर्श करायचा, विद्यार्थीनींच्या वॉशरुममध्ये डोकावून पाहायचा..पुढे काय घडलं?

सुपर एल निनोच्या धोक्याबद्दल काय म्हणाले?

भविष्यात येणाऱ्या नैसर्गिक संकटांची जाणीव करून देताना उद्धव ठाकरेंनी एका महत्त्वपूर्ण जागतिक अहवालाचा दाखला दिला. ते म्हणाले की, ''सुपर एलनिनो'च्या संभाव्य धोक्यामुळे भारतात सुमारे सोळा हजार मृत्यू होण्याचा गंभीर इशारा या अहवालात देण्यात आला आहे. या भीषण संकटाचा सामना करण्यासाठी शासनाने सर्वपक्षीय घटकांना आणि जनतेला सोबत घेऊन सर्वसमावेशक तयारी करणे अत्यंत गरजेचे आहे. मात्र, या महाभयंकर संकटाला तोंड देण्यासाठी सरकारकडे काय योजना आहेत, याबाबत सत्ताधारी कोणालाही काहीही सांगायला तयार नाहीत, ही अत्यंत चिंतेची बाब असल्याचे आहे.'

हे ही वाचा : 'सभेला गर्दी होते मग मतं कुठे जातात?' ज्ञानेश कुमारांचा दाखला देत राज ठाकरेंचे जोरदार प्रत्युत्तर

दिखाऊपणात व्यस्त

एकंदरीत, शेतकऱ्यांची दयनीय अवस्था, जनावरांच्या चाऱ्याची टंचाई आणि आगामी नैसर्गिक धोक्यांचे आव्हान असताना सरकार मात्र केवळ दिखाऊपणात व्यस्त असल्याचा आरोप ठाकरेंनी केला.